Հայաստանն այս տարի մասնակցել է աննախադեպ թվով գրքի միջազգային ցուցահանդես- տոնավաճառների

Հայաստանն այս տարի մասնակցել է աննախադեպ թվով գրքի միջազգային ցուցահանդես-տոնավաճառների: Այս մասին լրագրողների հետ զրույցում, ամփոփելով 2015 թվականի ձեռքբերումները, նշեց ՀՀ մշակույթի նախարարի տեղակալ Ներսես Տեր-Վարդանյանը:

«Ցեղասպանության 100-րդ տարելիցն աշխարհագրության ընդլայնման իմաստով իր դերակատարությունն ուներ: 11 ցուցահանդեսի մասնակցեցինք, որոնցից Նյու Յորքի և Գյոտեբորգի ցուցահանդեսներին Հայաստանը մասնակցեց առաջին անգամ: Ցուցահանդեսներին զուգընթաց կազմակերպվում էին քննարկումներ` գրականության և մտավորականության դերը ցեղասպանությունների կանխման գործում թեմայով, ինչը օտարազգիներին մեր խնդիրը ներկայացնելու առիթ էր»,-«Արմենպրես»-ի փոխանցմամբ`նշեց Ներսես Տեր-Վարդանյանը

Նախարարի տեղակալը շեշտեց նաև, որ ԱՊՀ մասնակից-պետությունների «Գրքարվեստ» միջազգային ամենամյա մրցույթում Հայաստանը կրկին նախադեպը չունեցող հաջողություններ ունեցավ. մեր երկիրը 9 մրցանակի արժանացավ: 

Հայաստանը մասնակցել է Մինսկի (փետրվարի 11-15), Փարիզի (մարտի 20-23), Ալմաթիի (ապրիլի 9-11), Լոնդոնի (ապրիլի 14-16), Թեհրանի (մայիսի 6-16), Սալոնիկի (մայիսի 7-10), Վարշավայի (մա​յիսի 14-17), Նյու Յորքի (մայիսի 27-29), Մոսկվայի (սեպտեմբերի 1-6), Գյոտեբորգի ( սեպտեմբերի 24-27), Ֆրանկֆուրտի (հոկտեմբերի 13-17) գրքի ցուցահանդեսներին: Այս տարի Հայաստանը մասնակցել է գրքի միջազգային ցուցահանդեսներին ՀՀ մշակույթի նախարարության և Հայոց ցեղասպանության 100-րդ տարելիցին նվիրված միջոցառումները համակարգող պետական հանձնաժողովի աջակցությամբ: Տաղավարնե րի ձևավորման մեջ կիրառվել է Հայոց ցեղասպանության 100-րդ տա​րելիցի խորհրդանիշ «Անմոռուկը», որոշ դեպքերում տպագիր նյութերում նաև հիշա​տակվում է տաղավարի՝ տարելիցին նվիրված լինելու հանգմանքը:  Ցուցահանդեսներին Հայաստանը մասնակցում էր իր առանձին տաղավարով, որտեղ ներկայացվում էին վերջին տարիների, հիմնականում՝ օտարալեզու հրատարակությունները: Տաղավարներում կազմակերպվում են գրքերի շնորհանդեսներ և ընթերցումներ` հեղինակների մասնակցությամբ: