ՊԱՏՄՈՒԹՅԱՆ ԱՅՍ ՕՐԸ (9 ԱՊՐԻԼԻ). Կայացել է աշխարհում առաջին հրապարակային մշակութային ցուցահանդեսը. «Փաստ»

ОБЩЕСТВО 9 Апрель, 2022 12:29

«Փաստ» օրաթերթը գրում է

ՏՈՆԵՐ ԵՎ ՀԻՇԱՐԺԱՆ ՕՐԵՐ

Թունիս՝ Նահատակների օր, Վրաստան՝ Ազգային միասնության օր, Ֆինլանդիա՝ Ֆիններենի օր, Բոլիվիա՝ Սահմանադրության օր, Կոսովո՝ Սահմանադրության օր, Ֆիլիպիններ՝ Հայրենասիրության օր։

ՀԱՅ-ՀԱՅԱՍՏԱՆ

1932- բացվել է Երևանի Մաքսիմ Գորկու անվան բանվորական թատրոնը, որը փակվել է 4 տարի անց` 1936 թվականին։

1938 -վախճանվել է գրականագետ, թարգմանիչ Հարություն Սուրխաթյանը։

2003-Ռոբերտ Քոչարյանը երկրորդ անգամ ստանձնել է ՀՀ նախագահի պաշտոնը։

2004- Ազատության հրապարակում կայացել է «Արդարություն» դաշինքի և «Ազգային միաբանություն» կուսակցության համատեղ հանրահավաքը, որի ավարտին ցուցարարները քվեարկությամբ որոշել են անժամկետ նստացույց անցկացնել Ազատության հրապարակում՝ մինչև Ռոբերտ Քոչարյանի հրաժարականը:

2008-Սերժ Սարգսյանը ստանձնել է Հայաստանի նախագահի պարտականությունները և հրամանագիր ստորագրել Տիգրան Սարգսյանին Հայաստանի Հանրապետության վարչապետ նշանակելու մասին:

2012 -վախճանվել է օպերային երգչուհի Լիլի Չուգասզյանը։

2013- հայերեն Վիքիպեդիան հատել է 45 000 հոդվածի շեմը։

2016-Բաշ Քարվենդ բնակավայրի մոտակայքում իրականացվել է Ապրիլ յան պատերազմի դիակների փոխանակում։ Հայկական կողմին է հանձնվել 18 զինծառայողի մարմին։ 2017-Երևանի ավագանու ընտրություններին մասնակցելու հայտ է ներկայացրել 3 քաղաքական ուժ՝ ՀՀԿ-ն, «Ելք» դաշինքն ու «Երկիր ծիրանի» կուսակցությունը։

2021- վախճանվել է ամերիկահայ ձեռնարկատեր, բարերար, «Հայաստան» համահայկական հիմնադրամի հոգաբարձուների խորհրդի անդամ Հրայր Հովնանյանը:

ԱՇԽԱՐՀ

193- Սեպտիմիուս Սևերուսը հռոմեական զորքերի կողմից հռչակվել է Հռոմեական Կայսրության կայսր։

491- վախճանվել է բյուզանդական կայսր Զենոնը։

1241 -Լիգնիցայի ճակատամարտի ժամանակ Չինգիզ խանի թոռ Բայդուրի ղեկավարած մոնղոլ-թաթարական բանակը ջախջախել է Հենրիխ 2-րդ Բարեպաշտի գլխավորած գերմանա-լեհական բանակը։

1454 -Իտալիայի քաղաք-պետությունները կնքել են Լոդիական խաղաղության պայմանագիրը։

1492 -վախճանվել է Իտալիայի կառավարիչ Լորենցո Մեդիչին։

1553 -վախճանվել է ֆրանսիացի վանական և լեզվաբան Ֆրանսուա Ռաբլեն։

1609 -Իսպանիայից վտարել են մորիսկներին՝ քրիստոնեություն ընդունած մավրերին։

1626- վախճանվել է անգլիացի փիլիսոփա, պատմաբան, քաղաքական գործիչ, էմպիրիզմի հիմնադիր Ֆրենսիս Բեկոնը։

1667 -Փարիզում կայացել է աշխարհում առաջին հրապարակային մշակութային ցուցահանդեսը։

1682 -Ռոբերտ դե Սալը, խաչ տնկելով Միսիսիպիի դելտայում, հայտարարել է այն Ֆրանսիայի թագավոր Լյուդովիկոս 14-րդի կալված և անվանել Լուիզիանա։

1747 -Լոնդոնում պետական դավաճանության մեղադրանքով մահապատժի է ենթարկվել Լովատի 11-րդ լորդ Սայմոն Ֆրեյզերը, որը դարձել է վերջին մարդը Անգլիայում, որը դատարանի կողմից դատապարտվել է գլխատման։

1799 -անգլիացի քիմիկոս Հեմֆրի Դևին հայտնագործել է «ուրախացնող գազի» ցավազրկող հատկությունը։

1860 - ֆրանսիացի գյուտարար Էդուարդ դը Մարտենվիլը առաջին անգամ ձայնագրել է «Լուսնի լույսը» ֆրանսիական ժողովրդական երգը. ձայնագրությունը ներկայումս պահպանվում է փարիզյան արխիվում։

1865- ավարտվել է Ամերիկայի քաղաքացիական պատերազմը, որը սկսվել էր 1861 թվականի ապրիլի 12-ին։

1866 -«Քաղաքացիական իրավունքների մասին» օրենքը ԱՄՆ-ի բոլոր բնակիչներին տվել է հավասար իրավունքներ (բացառությամբ ռեզերվացիաներում և անմարդաբնակ տարածքներում ապրող հնդկացիների)։

Մանրամասները՝ «Փաստ» օրաթերթի այսօրվա համարում