Ովքե՞ր էին Հոռոմի խաչմերուկում ճանապարհ փակողները. նրանք ՀՀ դրոշը շպրտում էին գետնին
ОБЩЕСТВОԸնդդիմության՝ դեպի Գյումրի ավտոերթի ճանապարհը փակել էին մի խումբ ագրեսիվ տրամադրված անձինք, որոնք նույնիսկ ՀՀ դրոշն էին շպրտում գետնին: Մենք այս ընթացքում տեղեկություններ էինք ստանում, որ այս քաղաքացիներին կազմակերպված փողոց էին հանել իշխանությունները, մասնավորաբար Շիրակի համայնքներից մեկի ղեկավարը և շիրակցի մի քանի «կարկառուն» քպականներ:
Քաղաքագետ Գագիկ Համբարյանը Ֆեյսբուքի իր էջում գրել է, որ Հոռոմի խաչմերուկում ճանապարհ փակող և գյումրեցի ներկայացողների 99 տոկոսը Գյումրիի հետ առնչություն չունի... « Զարմանալի է՝ ամաչու՞մ են ներկայանալ որպես, հոռոմցի, ազատանցի, ախուրյանցի և այլն...
Օրինակ` ճանապարհին նստած սույն կինն Ախուրյանից է և, ըստ լուրերի, ընտանիքում ո'չ զոհ ունի, ո'չ էլ գերեվարված...
Իսկ ինչու՞ Հոռոմի խաչմերուկում...Շատ պարզ` այդ գյուղը գլխավոր դատախազ Արթուր Դավթյանի գյուղն է...
Ու ընդհանրապես, ի՞նչ կապ ունի դրոշ վառելը կամ Քոչարյանը գերիների հետ...»,-գրում է Համբարյանը:
Իսկ «Հայրենիք» կուսակցության ներկայացուցիչ Արսեն Բաբայանն էլ գրում է. «Բոլորին խնդրում եմ որևէ կերպ չքննադատել իմ սիրելի շիրակցիներին: Այստեղ եմ, տեղում, ճանապարհը փակել էին համայնքային բյուջեներից աշխատավարձ ստացող մի քանի անձինք:Նրանց փորձել էին միացնել մի քանի գերիների բարեկամներ: Նորմալ է, այս իշխանությունը, որ չունի սրբություն, վաղուց է ապացուցվել»:
«Երևան-Շիրակ մայրուղու վրա հավաքված անհայտ կորած մեր զինվորների հարազատների հետ մենք զրուցում էինք և խնդիրը արդեն հարթվել էր, բայց մի քանի սադրիչ (ըստ իմ տեղեկությունների Շիրակի ՔՊ գրասենյակի աշխատակիցներ) հրահրեցին հրմշտոց: Գերիների հարզատներով պաշտպանվել ու ազգը բաժանել՝ սա է քո ձեռագիրը»,- իր հերքին գրել է պատգամավոր Հայկ Մամիջանյանը:
Ի դեպ, ՔՊ-ից ամենաակտիվը այս ընթացքում Շիրակի նախկին մարզպետ Կարեն Սարուխանյանն էր, որն անընդհատ ոգևորված գրառումներ էր անում՝ փաստացի խրախուսելով բախումը. «Բա գիտեիք մարսելո՞ւ էիք Շիրակցուն և Գյումրեցուն վիրավորելով։ Սրանից հետո մի 10 անգամ կմտածեք, հետո նոր կխոսեք Գյումրի կամ Շիրակ ասելուց առաջ», կամ՝ «Էկել սատանի մայլեն քյանդրբազ կխաղան ...»: