Վիրավորներից մեկի թեւը վիրահատում են, մյուսը մահացել է «Աստղիկ» տեղափոխվելու ճանապարհին
ОБЩЕСТВОԻնչպես տեղեկացրել էինք, այսօր կրակոցներ են հնչել Արագածոտնի մարզում: Ըստ նախնական տեղեկությունների` Նիկոլ Փաշինյանին հայհոյելու համար վիճաբանություն է սկսվել մի խումբ երիտասարդների և ՔՊ-ական պատգամավոր Մաթևոս Ասատրյանի ու Արագածոտնի փոխմարզպետ Էդգար Փարվանյանի հարազատների միջև: Վիճաբանության ընթացքում ՔՊ-ական պատգամավորների հարազատները ավտոմատներով կրակել են Փաշինյանին հայհոյած երիտասարդների վրա: Ի սկզբանե կար մեկ զոհ և վեց վիրավոր, որոնց տեղափոխել են Երևանի «Աստղիկ» և «Արմենիա» բժշկական կենտրոններ։
Մենք տեղեկացանք, որ վիրավորներից մեկը, որը գլխից էր վիրավոր, «Աստղիկ» տեղափոխվելու ճանապարհին մահացել է` սրտի կանգ է արձանագրվել: Իսկ մյուսի մոտ թևի թեթև վնասվածք է, այս պահին վիրահատում են:
Հայաստանի քննչական կոմիտեի մամուլի քարտուղար Վարդան Թադևոսյանից տեղեկացանք, որ փաստի առթիվ հարուցվել է քրեական գործ՝ ՀՀ քր-օր-ի 104 հոդվածի 1-ին մասի և 235 հոդվածի 1-ին մասի հատկանիշներով: