Իլոն Մասկը հանդիպել է Հռոմի պապ Ֆրանցիսկոսի հետ
ОБЩЕСТВОԱմերիկացի ձեռնարկատեր, Tesla և Space X ընկերությունների ղեկավար Իլոն Մասկը հինգշաբթի՝ հունիսի 30-ին հանդիպել է Հռոմի պապ Ֆրանցիսկոսի հետ։ Այս մասին, ինչպես գրում է ՏԱՍՍ գործակալությունը, գործարարը հայտնել է իր թվիթերյան միկրոբլոգում։
«Ինձ համար մեծ պատիվ էր նախօրեին հանդիպել Հռոմի պապ Ֆրանցիսկոսի հետ», - գրել է Մասկը ուրբաթ՝ հուլիսի 1-ին։
Հանդիպման մանրամասները գործարարը չի ներկայացրել։
Ինչպես նկատում է գործակալությունը, ավելի քան մեկշաբաթյա լռությունից հետո այս գրառումն առաջինն էր Մասկի թվիթերյան էջում։ Axios պորտալի տվյալներով՝ մինչև հունիսի 16-ը Մասկը շաբաթական միջինում 145 գրառում էր անում, ինչն օրական կտրվածքով մոտ 21 գրառում էր ստացվում։ Հունիսի 16-ից հետո նրա ակտիվությունը Twitter-ում նվազել էր, իսկ հունիսի 23-30-ն ընկած ժամանակահատվածում նրա անհատական միկրոբլոգում առհասարակ որևէ հրապարակում չէր հայտնվել։