43-ամյա վարորդը Nissan-ով հայտնվել է ձորում և բախվել բետոնե էլեկտրասյանը
ОБЩЕСТВОԱյսօր՝ հուլիսի 23-ին, ավտովթար է տեղի ունեցել Արարատի մարզում։ Ժամը 06։40-ի սահմաններում 43-ամյա Կարո Պետրոսյանը իր վարած Nissan մակնիշի ավտոմեքենայով Զանգակատուն-Լանջառ ավտոճանապարհին Լանջառ գյուղի վերջնամասում դուրս է եկել ճանապարհի երթևեկելի գոտուց և բախվել բետոնե էլեկտրասյանը։ Ինչպես հայտնում է ֆոտոլրագրող Գագիկ Շամշյանը, վթարի հետևանքով Կ․ Պետրոսյանը հրշեջ-փրկարարների կողմից դուրս է բերվել ավտոմեքենայից և մոտեցվել շտապօգնության ավտոմեքենային։ Բժիշկները վիրավորին, մինչև հիվանդանոց տեղափոխելը, տեղում առաջին բուժօգնությունն են ցուցաբերել, ապա տեղափոխել «Արարատ» բժշկական կենտրոն։ Վթարի փաստով Արարատի քննչական բաժնում վարույթ է նախաձեռնվել։
Լուսանկարները՝ Գևորգ Ղազարյանի
Ծանուցում. Ենթադրյալ հանցանքի մեջ կասկածվողը կամ մեղադրվողը համարվում է անմեղ, քանի դեռ նրա մեղավորությունն ապացուցված չէ ՀՀ քրեական դատավարության օրենսգրքով սահմանված կարգով` դատարանի` օրինական ուժի մեջ մտած դատավճռով։