5 ֆիլմ, որոնք կինոքննադատ Դիանա Մարտիրոսյանը խորհուրդ է տալիս դիտել արձակուրդներին

Wnews.am-ը գրում է.

Ձմեռային արձակուրդները լավագույն ժամանակն են մի բաժակ թեյ կամ սուրճ պատրաստելու,  տաք ծածկոցի մեջ փաթաթվելու և ֆիլմ դիտելու համար: Հատկապես Ամանորից հետո այդ հանգստությունն ուղղակի անհրաժեշտ է:Wnews.am-ի առաջարկով կինոքննադատ Դիանա Մարտիրոսյանը ներկայացրել  է  5 գունեղ, ոճային և սրամիտ ֆիլմ, որոնք արժե դիտել արձակուրդներին։ Դինան հրաշալի մեկնաբանել է , թե ինչու է ընտրել հենց այդ ֆիլմերը: Առաջարկում ենք ծանոթանալ Դինայի առաջարկած ֆիլմերին և ընտրել «ձերը»:  1«Գրանդ Հոթել Բուդապեշտ»/  The Grand Budapest Hotel. կամ Ուես Անդերսոնի ցանկացած այլ ֆիլմ («Տենենբաումների ընտանիքը», «Ռաշմորի ակադեմիան» և այլն)։ Անդերսոնը մեր ժամանակների ամենավինտաժային, սիմետրիկ և սրամիտ հեքիաթասածն է, ում ֆիլմերը հագեցնում են, ինչպես քաղցր թխվածքը։ Ռեժիսորի յուրահատուկ ոճը, մի փոքր խամրած գունապնակը և զվարճալի հերոսներն իրենց զավեշտալի պատմություններով կտեղափոխեն հանդիսատեսին ավանտյուրաներով լի էսթետիկ զուգահեռ իրականություն։2 «Թոստ»/ Toast. Եթե ուզում եք համեղ «սնվել» և չգիրանալ, դիտեք վերջերս նկարահանված բրիտանական ամենահետաքրքիր կենսագրական դրամաներից մեկը։ Պատմությունը փոքր տղայի մասին է, ում մայրը ոչինչ չի կարողանում պատրաստել, բացի… չորահացից/թոստից։ Երեխայի մանկությունն ու պատանեկությունը անցնում են ստամոքսային խնդիրներով, ընտանեկան վեճերով և կուշտ սնունդի մասին երազանքներով լի։ Ֆիլմն անարդարացիորեն թերագնահատվեց համացանցային կինոմանների շրջանակում։ 3«Սուզանավ»/” Submarine “. Եթե սիրում եք ֆրանսիական «Ամելին», կսիրեք նաև բրիտանական «Սուզանավը»։ Չէ-չէ, բիթլերը կապ չունեն։ Թե ունեն… Այս մի փոքր «ոչ բոլորի համար» կատակերգության գլխավոր հերոսի անհաջողությունները, մտորումները, վախերը և ցանկությունները պատկերված են ամենասուր բրիտանական զվարճականոններին համաձայն։ Նաև սպասվում է անմոռանալի և կպչուն սաունդթրեքերի ցուցակ։ 4«Խոշոր ձուկը» /Big Fish. Թիմ Բարթոնը կերտում է առանձնահատուկ հմայք ունեցող հեքիաթային աշխարհ, երբեմն անգամ առանց Ջոնի Դեփի. «Խոշոր ձուկը» բացառություն չէ։ Կրկես, հսկա, վհուկ, կախարդական անտառ՝ ընտանեկան սթորիթելինեգներից ամենագունեղը, մոգականն ու աստղաշատը՝ բարթոնական յուրահատուկ սոուսի մատուցմամբ։ 5«Գանգրահեր Սյու» Curly Sue. Մեր մանկության ամենասիրված ձմեռային ֆիլմը առանց Քեվին ՄքՔալիսթերի։ Նրա փոխարեն՝ չարաճճի, տաղանդաշատ, ճարպիկ և խիզախ փոքրիկ աղջնակ։ Այս ընտանեկան ֆիլմում ամերիկյան մեյնսթրիմին բնորոշ կատակները չեն անցել վաղեմության ժամկետը, այլ հակառակը՝ հաճելիորեն հիշեցնում են հին ու բարի 90-ականների մասին։ Այդ ժամանակաշրջանի նմանատիպ ֆիլմերը, կարծես, առաջեցնում են ապահովության զգացողություն. ընդամենը պահանջվում է տաք թեյ, վերմակ և մի քիչ Ջեյմս Բելուշիի հմայք։