Աննան, Տաթևը, Սիման, Դիանան, Սոնան, Անատին և այլք` Blognews.am-ի ամանորյա ֆոտոշարքում

ЛАЙФ 31 Декабрь, 2015 19:27

BlogNews

Տոնածառ, խաղալինքեր, ձմեռ պապ և ամենակարևորը ուրախ տրամադրություն. ահա այս ամենը կարելի է տեսնել BlogNews.am-ի ամանորյա ֆոտոշարքում: Մենք որոշեցինք մի ֆոտոպատմության մեջ ներկայացնել հայկական շոու բիզնես մի շարք ներկայացուցիչներին: Նրանցից շատերին լուսանկարեցինք մեր պատրաստած տաղավարում, իսկ ոմանց էլ իրենց նախընտրած վայրում: Պետք է ասեմ, որ բոլորի նկարահանումները բավականին ուրախ են անցել:

Մեր առաջին հյուրը դերասանուհի Տաթև Հովակիմյանն էր, նրան վստահ եմ լավ կհիշեք «Անավարտ թռիչ» գեղարվեստական ֆիլմից: Տաթևը լուսանկարներում լրիվ հեքիաթային տեսք ունի և նման է ավելի շատ գեղեցիկ տիկնիկի:

«Ամեն տարի ըստ ավադույթի ընտանիքի հետ եմ նշում, մայրս, հայրս, քույրս, և մեր երեք տան անդամները՝ շունիկներս։ Դրանից հետո տարին անցկացրել եմ տարբեր կերպ, և ոչ մի տարի գրեթե չեմ պլանավորում ինչպես անցկացնե: Ժամը 12 ից հետո առանց պլանավորելու դուրս ենք գալիս ընկրեներով և որոշում, որտեղ ենք ուզում անցկացնել գիշերը։ 2015թվականը ինչպես և վերջին մի քանի տարին ինձ համար եղավ շատ հարուստ տարի իմ մասնագիտության համար, բայց այս տարին առանձնացավ ինձ համար նաև նրանով, որ աշխատանքի հետ միասին ես ձեռք բերեցի հրաշալի ընկերներ, մարդիկ ովքեր կան իմ կյանքում ու ես սիրում եմ ասել, կարևորը մենք իրար համար արդեն կանք։ Հարուստ ու սիրով լի տարի էր և այդպես էլ ուզում եմ մուտք գործել 2016 թվական,Շնորհավոր Ամանոր և սուրբ ծննունդ»:

Դիզայներ Դիանա Շատվերյանն նոր տարվա համար պատրաաստել էր, իր ամանորյա հավաքածուն: Դիանան ամբողջ նկարահանման ընթացքում ուրախ տրամադրություն ուներ, անգամ որոշեց երաժշտություն միացնել և սկեց պարել: Շիկահեր գեղեցկուհին նախընտրեց նկարահանման համար կրել այս կարմիր զգեստը, որի կենտրունում այս տարվա խորհրդանիշ կապիկն էր:

Աննա, Վլադ, Լեա, Հասմիկ. այս ընտանեկան զույգին էլ հրավիրեցինք մեզ մոտ: Աննան իր բնավորության համաձայն բավականին լավ էր պատրաստվել: Նա բելեր էր տարբեր հագուստներ, գեղեցիկ գլխազարդեր, որոնք էլ ավելի հետաքրքիր դարձրեցին լուսանկարները: Փոքրիկ Հասմիկը իր համար տեղավորվեց զամբյուղի մեջ, իսկ Լեան անընդհատ վազում էր ամբողջ տաղավարով:

«Բարի լույս հայեր» հաղորդման հաղորդավարներ Սիմա Բաղդասարյանը և Արտյոմ Կարապետյանը ուրախ տրամադրությամբ էին եկել տաղավար: Սիման շատ սիրում է Նոր տարին, հատկապես սիրում է տոնածառ զարդարելը, նվերներ ստանալը և նվիրելը. «Ինձ համար դա մանկուց տոն է եղել, ի վերջո նոր տարին դա մոգական տոն է, հնարավոր է կատարվեն բոլորի երազանքները»:

Սիմայի համար Ամանորը դա ընտանեկան տոն է. «Ես միշտ դիմավորում եմ տանը, որից հետո ես և ամուսինս միանում ենք մեր ընկերներին: Այս տարին ինձ համար չարանձնացավ նշանակալի իրադարձություններով, բայց դժգոհ չեմ 2015-ից»: (հեղ. ինձ էլ վերջում լավ տարի մաղթեց)

Անատի Սաքանյանին և Աննա Մանուչարյանին հիմա տեսնում եք ԱՏՎ հեռուստաընկերության«Քարե դարդ» սիթքոմում, որոշեցինք մեր ֆոտոշարքում նրանց էլ լուսանկարենք:

Դերասանուհի Աննա Մանուչարյանը պատմեց, որ Նոր Տարին սովորաբան նշում է հայրական տանը` ընտանիքի հետ. «Շատ կարևոր եմ համարում Նոր Տարին դիմավորել ամենաահարազատների հետ և պարտադիր գալիք տարվա համար երազանք պահել: Այս տարի, որոշել եմ մի փոքր կտրվեք քաղաքի եռուզեռից և կանցկացնեմ Ծաղկաձորում: Բոլորին ուրախ տարի եմ մաղթում»:

Իսկ երբ փորձեց ամփոփել տարին`այպես նշեց. «2015 թվականը լի էր ամենատարբեր գույներով, եղան նոր նախագծեր, նոր առաջարկներ, նոր ֆիլմեր»:

«Քարե դարդ»-ի Սիսին, նույն ինքը դերասանուհի Անատի Սաքանյանը, սիրում է մեծ շուքով նշել Նոր Տարին. «Այս տարի որոշել էինք տանը չնշել, բայց քանի որ ես դեկտեմբերի 31-ին նկարահանման եմ. չստացվեց»:

Դերասանուհու համար 2015-ի սկիզբը մի քիչ պասիվ էր գործնական առաջարկնեին չկային, փոխարենը ժամանակն անցկացնում էր ընկերների հետ. «Ամռանը օրերս հագեցած էին, քանի որ մի քանի տեղ էի աշխատում, հետո առաջարկ ստացա «Քարե դարդ» սիթքոմում նկարահանվել: Տարիս եզրափակում եմ շատ լավ, ուրախ և հաջողակ: Ամենաակարևորը, որ ուզում եմ մաղթել, դա աշխարհին խաղաղություն և թող բոլոր հայ զինվորներն առողջ, անվնաս տուն վերադառնան»:

Երգչուհի Սոնա Ռուբենյանի համար 2015 թվականը նշանավորվեց իր նշանադրությամբ: Սոնան ամփոփելով տարին այսպես ասաց. «Ստեղծագործական հաջողություններ ևս եղան, նոր երգեր ներկայացրեցին, տեսահոլովակ: 2016-ի Մարտի 8-ին կներկայացնեմ մի գեղեցիկ երգ, մայրիկներին նվիրված, որի հեղինակն է Ավետ Բարսեղյանը: Այս ամենի հետ գուզահեռ, ուզում են նշել անձնական կյանքում ունեցած հաջողությունը, որն աղջկա համար առաջնահերթն է: Ուզում եմ բոլորը լինեն առողջ, երջանիկ և հաջողակ»: