Ամանորյա զավեշտալի դեպքեր ՀՀ ՏԿԱԻՆ-ի 911 կանչերից

Tert.am-ը գրում է.

ՀՀ ՏԿԱԻՆ-ի  911 ծառայության կենտրոնական ահազանգման կենտրոնի ավագ հրահանգիչ Հայկուհի Ադիբեկյանը Tert.am-ին ներկայացրեց ամանորյա զավեշտալի կանչերից մի քանիսը:

ՀՀ արտակարգ իրավիճակների նախարարության փրկարար ծառայության օպերատիվ կառավարման վարչության 911 ծառայության կենտրոնական ահազանգման կենտրոնի ավագ հրահանգիչ Հայկուհի Ադիբեկյանը Tert.am-ին ներկայացրեց ամանորյա զավեշտալի կանչերից մի քանիսը:

1. Զանգահարել էր մի քաղաքացի ամանորի գիշերը 911: Նա գինովցած էր և հետաքրքրվեց, թե ինչ կարելի է անել իր տուն այցելած հյուրերի հետ, ովքեր արդեն 3 ժամ է չեն լքում իր բնակարանը և խնդրում էր օգնություն ինչպես վարվել իր հյուրերի հետ:

2. 2015թ-ի ամանորի նախօրեին լուրեր էին տարածվել, որ աշխարհի վերջին օրը շուտով մոտենում է և քաղաքացին զանգահարել էր ճշտել, արդյոք լուրերը համապատասխանում է իրականությանը, եթե այո,ապա իրենք ամանորյա գնումներ չկատարեն և ավելորդ գումարներ չծախսեն:

3. Ամանորի նախօրեին քաղաքացին 911 է զանգում, և ասում, որ ավտոմեքենա է այրվում: Օպերատորը հարցնում է հասցեն, քաղաքացին ասում է՝ ես ձեզ հետո կզանգեմ, ինձ երկրորդ գծով զանգահարում են:

4. Ամանորի նախօրեին քաղաքացին զանգում է 911 և ասում. «Ներողություն փրկարար ծառայությունից է, օպերատորը պատասխանում է . «Այո, ինչ է պատահել»: Հարցնում է դուք հոսանքից ու գազից անվճա՞ր եք օգտվում», օպերատորն ասում է՝ «այո»: «Կարող ենք ձեր հոսանքից ու գազից օգտվել և մեր խոզի բուդը ձեզ մոտ պատրաստել»:

5. Ամանորին մի քաղաքացի է զանգել 911, մոտ հինգ րոպե շնորհավորել է, մաղթանքներ է ասել տարբեր՝ ու վերջում ասել. «Ամենակարևորը, որ այս տարի ահազանգերը քիչ լինեն», հետո ավելացրել՝ «բայց կներեք Նոր Նորքում հրդեհ է բռնկվել»»: