ԵՄ-ն հայ-ադրբեջանական սահման կուղարկի մինչև 40 փորձագետներ. որոշումը կայացվել է
ПОЛИТИКАՓնտրում եք բարձր վարձատրվող աշխատանք՝ սեղմեք ԱՅՍՏԵՂ
Եվրախորհուրդն այսօր որոշում է կայացրել ուղարկել մինչև 40 ԵՄ մոնիտորինգի փորձագետներ հայկական կողմից Ադրբեջանի հետ միջազգային սահմանի երկայնքով՝ տարածաշրջանում տիրող իրավիճակի մոնիտորինգի, վերլուծության և զեկույցի համար։
Այս որոշումը հետևում է հոկտեմբերի 6-ին նախագահ Ալիևի, վարչապետ Փաշինյանի, Ֆրանսիայի նախագահ Մակրոնի և նախագահ Միշելի քառակողմ հանդիպմանը և նպատակ ունի օգնել տարածաշրջանում խաղաղության և անվտանգության վերականգնմանը, վստահության ամրապնդմանը և երկու երկրների միջև միջազգային սահմանի սահմանազատմանը։
ԵՄ դիտորդական առաքելության արագ տեղակայումն ապահովելու նպատակով որոշվել է, որ Վրաստանում Եվրամիության դիտորդական առաքելությունից (EUMM) ժամանակավորապես կտեղակայվեն մոնիթորինգի փորձագետներ։ Դիտարկման առաքելությունը լինելու է ժամանակավոր և, սկզբունքորեն, չի տևի երկու ամսից ավելի։