Պատերազմի վտանգ միշտ էլ կա, պարտությունների շարանը շարունակական է լինելու, երբ երկրի իշխանության ղեկին պարտված մարդիկ են. Սեյրան Օհանյան
ПОЛИТИКАՓնտրում եք բարձր վարձատրվող աշխատանք՝ սեղմեք ԱՅՍՏԵՂ
ՀՀ պաշտպանության նախկին նախարար, «Հայաստան» խմբակցության ղեկավար Սեյրան Օհանյանը պնդում է՝ իշխանությունը ճշմարտությունը չի ասում, թե որքան տարածք է օկուպացրել Ադրբեջանը ՀՀ ինքնիշխան տարածքից:
Հիշեցնենք՝ ՔՊ-ական պատգամավոր Արմեն Խաչատրյանը երեկ հայտարարել էր, թե Ադրբեջանը Հայաստանի տարածքից մոտ 127 քառակուսի կմ է օկուպացրել, մինչդեռ, վարչապետ Նիկոլ Փաշինյանն ասել էր, թե Ադրբեջանը 10 քառակուսի կիլոմետր է օկուպացրել:
«Ցավալի է, բայց պարտությունների շարանը շարունակական է այսօր Հայաստանում», - Ազգային ժողովում հայտարարեց նա:
Օհանյանը նշեց՝ ՀՀ զինված ուժերը պետք է ճշգրիտ հաշվարկ կատարի ու ներկայացնի հանրությանը, թե տարածքների ինչ կորուստ է եղել:
«Ես միայն կարող եմ ասել, որ վերջին բախման ժամանակ, ասում են, մոտ 50 դիրքի կորուստ ենք ունեցել», - ասաց նա:
Պաշտպանության նախակին նախարարը նշեց՝ պատերազմի վտանգ միշտ էլ կա:
«Պատերազմի վտանգ միշտ էլ կա, պարտությունների շարանը շարունակական է լինելու, երբ երկրի իշխանության ղեկին պարտված մարդիկ են: Ճնշումներն այն ուղղությամբ են, որ վերջնականապես կատարվի Ադրբեջանի ու Թուրքիայի կամքը՝ միջանցք բացվի ՀՀ տարածքով, իսկ Հայաստանի իշխանությունը չի հասկանում, որ ինչքան տաս, հակառակորդն այնքան շատ ուզելու է», - ընդգծեց Օհանյանը: