Խորապես ցնցված ենք տեղի ունեցած ողբերգության լուրից․ ՀՀ ԱԳՆ-ն ցավակցություն է հայտնել Հնդկաստանում կամուրջի փլուզման կապակցությամբ
ПОЛИТИКАՓնտրում եք բարձր վարձատրվող աշխատանք՝ սեղմեք ԱՅՍՏԵՂ
ՀՀ արտաքին գործերի նախարար Արարատ Միրզոյանը ցավակցություն է հայտնել Հնդկաստանի Գուջարաթ նահանգի Մորբի քաղաքում կամրջի փլուզման հետևանքով տեղի ունեցած ողբերգության կապակցությամբ:
«Խորապես ցնցված ենք Գուջարաթ նահանգի Մորբի քաղաքում տեղի ունեցած ողբերգության լուրից: Մեր անկեղծ ցավակցությունն ու համերաշխությունն ենք հայտնում Հնդկաստանի եղբայրական ժողովրդին և կառավարությանը: Մեր մտքերն ու աղոթքները զոհվածների ընտանիքների հետ են, իսկ վիրավորներին մաղթում ենք շուտափույթ ապաքինում», - գրել է ԱԳ նախարարն իր թվիթերյան միկրոբլոգում։
Հիշեցնենք, որ Հնդկաստանի Գուջարաթ նահանգի Մորբի քաղաքում կամուրջի փլուզման հետևանքով զոհվել է 132 մարդ, 2 մարդ անհետ կորած է համարվում: Միջադեպը տեղի է ունեցել հոկտեմբերի 30-ին։ Փլուզման պահին կամուրջի վրա եղել է ավելի քան 500 մարդ, այդ թվում՝ երեխաներ։ Միջադեպի հետևանքով ավելի քան 350 մարդ է հայտնվել ջրում։
Ավելի քան 140 տարի առաջ կառուցված կամուրջը, որն անցնում էր Մաչու ամբարտակի վրայով, վերջին երկու տարում փակ է եղել և միայն հոկտեմբերի 26-ին է վերաբացվել յոթ ամիս տևած վերանորոգումից հետո։ Միջադեպը տեղի է ունեցել վերաբացումից ընդամենը չորս օր անց։