Տեխասը կունենա Tesla-ի արևային մարտկոցներով ամբողջությամբ էլեկտրիֆիկացված տարածք

ЭКОНОМИКА 1 Ноябрь, 2022 11:37

Elec.ru–ն գրում է, որ Տեխասի Օսթին նահանգը շուտով կունենա բնակելի տարածք, որի կախվածությունը կենտրոնացված էներգամատակարարումից զրոյի կհասցվի։ Այնտեղ տներ են կառուցվում արևային ֆոտովոլտային մարտկոցներից և Powerwall էներգիայի պահպանման սարքերից պատրաստված տանիքով (այդ ապրանքանիշի մարտկոցներն ու պանելները արտադրվում են Tesla-ի կողմից): Շինարարության ավարտից հետո բնակելի օբյեկտները ինտեգրվում են էներգահամալիրի մեջ, որը ստեղծվել է ամբողջությամբ Elon Musk Corporation-ի ծառայություններից և արտադրանքներից, ինչպես նաև այն միացված է վիրտուալ բաշխիչ էլեկտրակայանին: Tesla-ն նույնպես մասնակցում է դրա ստեղծմանը:
Նախագիծը կոչվում է Easton Park և բաղկացած է 12000 տնային տնտեսություններից: Այն պատրաստվում է կանադական Brookfield Asset Management ներդրումային հիմնադրամի, ծրագրավորող Dacra-ի և Tesla Energy-ի համատեղ ձեռնարկության կողմից։ Վերջինս շուկա է մատակարարում արևային մարտկոցներ և էներգիայի պահպանման սարքեր։

Չնայած Tesla-ի ոչ այնքան հաջող գործունեությանը (ի տարբերություն էլեկտրամեքենաների) արևային արտադրության ոլորտում, Easton Park-ը բոլոր հնարավորություններն ունի դառնալու ոչ միայն առաջին, այլ նաև շատ կարևոր քայլ դեպի Tesla Energy–ի իր հիմնական նպատակը, որն է յուրաքանչյուր ամերիկյան տունը վերածել բարձր արդյունավետ էներգիայի համալիրի, այսինքն տունը պետք է ունակ լինի էներգիա արտադրել, կուտակել և, անհրաժեշտության դեպքում այն հանրային ցանցին բաշխել։ Եվ այս ամենը տեղի կունենա Tesla Energy սարքավորումների օգնությամբ։
Այնուամենայնիվ, կա մի նրբերանգ. անկայունությունը միայն արևային չէ, այլ համընդհանուր է ողջ այլընտրանքային գեներացիային։ Առաջին հայացքից նման նախագծերը հիանալի հնարավորություն են փորձելու ստեղծել պայմանական «ապագայի կղզի», որտեղ ամեն ինչ չափազանց ինքնավար է, ավտոմատացված և բարձր տեխնոլոգիական: Բայց եթե հարցին մոտենանք ոչ միայն էներգիայի այլընտրանքային աղբյուրների հանրահռչակման տեսանկյունից, այլ նաև խնդիրը դիտարկենք գործնական տեսանկյունից, ապա դժվար թե նման հավակնոտ ձեռնարկումների իրականացումը լիովին հնարավոր լինի հիմա, երբ մարդու համար հասանելի տեխնոլոգիաների մակարդակը, հատկապես վերականգնվող էներգիայի ոլորտում, հեռու է բարձր արդյունավետությունից, կայունությամբ չի առանձնանում և դեռ բավականին թանկ են հասարակ մարդկանց համար։

Հայաստանում արևային պանելներ արտադրող առաջին և միակ ընկերությունը Սոլարոնն է։ Տեղադրե՛ք SolarOn արևային կայան և զրոյացրեք էլեկտրաէլերգիայի ծախսը
Գրե՛ք կամ զանգահարեք և ստացեք անվճար հաշվարկ Ձեզ անհրաժեշտ արևային կայանի հզորությանն ու արժեքի վերաբերյալ։
Զանգահարեք 8757, 010 440055
էլ. փոստ ֊ [email protected]