Սյունիքի մարզում նախատեսվում է կառուցել 53 նոր կրթահամալիր
ОБЩЕСТВОՓնտրում եք բարձր վարձատրվող աշխատանք՝ սեղմեք ԱՅՍՏԵՂ
Կառավարությունն այսօրվա նիստում ընդունեց որոշում, ըստ որի՝ Սյունիքի մարզում նոր մոդուլային դպրոցներ կկառուցվեն։ ԿԳՄՍ նախարար Վահան Դումանյանն ասաց, որ Կապան խոշորացված համայնքում 13 բնակավայրերի կրթահամալիրների շենքային պայմանները կբարելավվեն։ Դրանցից 5 կրթահամալիրի համար կկառուցվեն նոր շենքեր։ «Նոր մոտեցմամբ, անկախ աշակերտների թվաքանակից, նոր կրթահամալիրները, ինչպես նաև հետագայում նախատեսվող դպրոցները պետք է նվազագույնն ունենան 12 դասարան»,- ասաց նա՝ հավելելով, որ Կապանի 13 բնակավայրերում կկառուցվեն միայն նոր մոդուլային կրթահամալիրներ։
Ընդհանուր առմամբ Սյունիքի մարզում նախատեսվում է կառուցել 53 նոր կրթահամալիր, իսկ ամբողջ հանրապետությունում՝ ավելի քան 150։ Վարչապետ Նիկոլ Փաշինյանն ասաց, որ քաղաքական խնդիր կա հանրապետության բոլոր բնակավայրերում կրթությունը դարձնել հասանելի։ «Եվ մինչև 2026 թվականը պետք է կառուցենք, հիմնանորոգենք 300 դպրոց և 500 մանկապարտեզ։ Մենք որոշեցինք այս ծրագիրն սկսել Սյունիքի մարզից, մենք կողմնորշվել ենք, որ Սյունիքի մարզում 53 կրթահամալիրը մեր բարձրացրած խնդիրները լուծում է։ Այսօրվա որոշմամբ մենք առավել կոնկրետացնում ենք մեր անելիքները Կապան խոշորացված համայնքում»,- ասաց Փաշինյանը։