Մենք ուրախ ենք, որ Միացյալ Նահանգները ներգրավված է տարածաշրջանում. Փաշինյան
ПОЛИТИКАՓնտրում եք բարձր վարձատրվող աշխատանք՝ սեղմեք ԱՅՍՏԵՂ
Վարչապետ Նիկոլ Փաշինյանը հույս ունի Ամերիկայի Միացյալ Նահանգների օրերս կայացած Կոնգրեսի ընտրությունները, որի արդյունքում Ներկայացուցիչների պալատում մեծամասնություն ձեւավորեցին հանրապետականները, չեն ազդի տարածաշրջանում Միացյալ Նահանգների ներգրավվածության վրա: Այս մասին այսօր՝ նոյեմբերի 11-ին, Հանրային հեռուստաընկերության հետ հարցազրույցում ասաց Փաշինյանը՝ պատասխանելով հարցին, թե ԱՄՆ Կոնգրեսի ընտրությունները ինչպես կարող են ազդել Հայաստանի վրա:
«Այն քաղաքական դասավորությունը, որը 2020 թվականի դրությամբ կա ԱՄՆ-ում, շատ կոնկրետ ազդեցություն ունեցավ մեր տարածաշրջանի վրա, որովհետւ Թրամփի ադմինիստրացիան կարծում էր, որ ԱՄՆ-ն ավելի շատ ներքին հարցերով պետք է զբաղվի, քան արտաքին: Մենք ուրախ ենք, որ Միացյալ Նահանգները ներգրավված է տարածաշրջանում եւ հույս ունենք, որ ներքաղաքական զարգացումները կլինեն այնպիսին, որ Միացյալ Նահանգների ներգրավվածությունը չի նվազի»,- նշեց նա: