Գեղարքունիքում ադրբեջանական ագրեսիայից հետո քաղաքացիական կյանքը վերականգնվում է, դպրոցները վերաբացվել են
ОБЩЕСТВОՓնտրում եք բարձր վարձատրվող աշխատանք՝ սեղմեք ԱՅՍՏԵՂ
Գեղարքունիքի մարզում սեպտեմբերի 13-ի ադրբեջանական ագրեսիայից հետո քաղաքացիական կյանքը վերականգնվում է:
«Փաստինֆո»-ի հետ զրույցում Գեղարքունիքի մարզպետ Կարեն Սարգսյանը հայտնեց, որ բնակիչների 90%-ից ավելին վերադարձել է մարզ և շարունակում է իր առօրյա գործունեությունը:
Ադրբեջանական ագրեսիայի հետևանքով վնասված տները ևս մեծ մասամբ վերականգնվել են.
«Որոշ տեղերում դեռ աշխատանքները շարունակվում, բայց վերականգնման ենթակա տների մեծ մասն արդեն նորոգվել է»,-հավելեց մարզպետը:
Կարեն Սարգսյանի խոսքով՝ վնասներ կրած գրեթե բոլոր բնակիչներին փոխհատուցում է տրվել, այդ թվում՝ նաև դրամական:
«Ով ինչքան վնաս է կրել, դրանք գնահատվել են և փոխհատուցում է տրվել»,-հավելեց մարզպետը:
Գեղարքունիքի մարզում փակ դպրոց այլևս չկա, ամբողջությամբ վերաբացվել են:
Թշնամու սադրանքների հետևանքով մարզում ենթակառուցվածքները ևս վնասվել էին, որոնք, ինչպես Կարեն Սարգսյանը հայտնեց, ագրեսիայից արդեն մեկ շաբաթ անց արդեն վերականգնվել են.
«Վնասված գազատար, հոսանքի լարեր, ենթակայան, կամուրջ, ճանապարհներ կային, վերականգնվել են դրանք»,-ասաց մարզպետը: