Ավտովթար Գեղարքունիքի մարզում. 23-ամյա վարորդը Mercedes-ով դուրս է եկել երթևեկելի գոտուց և կողաշրջվել, կա վիրավոր
ОБЩЕСТВОՓնտրում եք բարձր վարձատրվող աշխատանք՝ սեղմեք ԱՅՍՏԵՂ
Երեկ՝ նոյեմբերի 20-ին, ավտովթար է տեղի ունեցել Գեղարքունիքի մարզում։ Ժամը 17։30-ի սահմաններում Գեղարքունիքի մարզի բնակիչ՝ 23-ամյա Սարո Դ-ն իր վարած Mercedes մակնիշի ավտոմեքենայով Սևան-Մարտունի-Գետափ ավտոճանապարհի 32.5 կմ հատվածում դուրս է եկել երթևեկելի գոտուց և կողաշրջվել։
Ինչպես հայտնում է Shamshyan.com-ը, վթարի հետևանքով ուղևոր՝ 20-ամյա Շ. Դ-ն մարմնական վնասվածքներով տեղափոխվել է «Գավառ» ԲԿ։
Դեպքի վայր են ժամանել ճանապարհային ոստիկանության 2-րդ սպայական գումարտակի 4-րդ վաշտի 1-ին դասակի ծառայողները և ոստիկանության Գավառի բաժնի հերթապահ խումբը։
Վթարի փաստով Հայաստանի քննչական կոմիտեի Գեղարքունիքի մարզայիին քննչական վարչության Գավառի քննչական բաժնում նախաձեռնվել է վարույթ։
Գ. Շամշյանի տեղեկություններով՝ վիրավորը վարորդի քույրն է։