Կեսդարյա ջանքեր՝ դեպի հարմարավետություն և կատարյալ մաքրություն․ «Փաստ»

«Փաստ» օրաթերթը գրում է

Էպիլ յատորը անցանկալի մազերը հանելու կամ հեռացնելու համար նախատեսված սարք է: Ժամանակակից էպիլ յատորներն ունեն շատ օգտակար հատկություններ, որոնք ուղղված են մազերի անցավ հեռացմանը նույնիսկ ամենախիտ մազերի դեպքում: Բացի այդ, որոշ սարքեր ի վիճակի են նրբորեն մերսել նոր մշակված մաշկը՝ դրանք լուսարձակելով: Որոշ ժամանակակից էպիլ յատորներ ի վիճակի են անգամ աշխատել ջրի մեջ՝ մեկ զույգ մարտկոցի հաշվին, ինչն էլ ավելի է հեշտացնում դրանց օգտագործումը: Առաջին էպիլ յատորը եղել է Epilady սարքը, որը հորինել են գրեթե 50 տարի առաջ Իսրայելում: Այն կառուցված է եղել հետևյալ կերպ. մեջտեղում ներկառուցվել է փոքր շարժիչ, որը շարժել է գլանաձև զսպանակը:

Զսպանակի գալարները մի կողմից իրարից հեռու են եղել, իսկ մյուս կողմից՝ իրար կպած: Նման կառուցվածքը թույլ էր տալիս շարժիչը գործարկելիս զսպանակը տեղափոխել այնպես, որ այն արդյունավետորեն իր մեջ ներառի մազերը և պոկի դրանք արմատին զուգահեռ: Այնուամենայնիվ, մազերը պոկելու նման գործընթացը եղել է ոչ արագ և ծայրաստիճան ցավոտ, քանի որ այն ժամանակ ցավազրկող քսուքները հազվադեպ են օգտագործվել էպիլ յացիայի ժամանակ: Նման էպիլ յատորի մեկ այլ մեծ թերությունն էլ այն էր, որ էպիլ յացիայի ընթացքում սարքը կարող էր մազի փոխարեն ճզմել մաշկը, ինչը խիստ ցավոտ էր և անհարմարություն էր պատճառում:

Բացի այդ, պարույրի նյութը դիմացկուն չէր, և հաճախակի օգտագործման դեպքում պարույրը կոտրվում էր: Չնայած այդ բոլոր թերություններին, Epilady-ը ժամանակին լայն տարածում է գտել և ճանաչվել ամբողջ Եվրոպայում: Մի քանի տարի անց Epilady-ին լուրջ մրցակից է հայտնվել՝ Philips- ը, որն արագորեն կատարելագործել է զսպանակով էպիլ յատորը՝ այն փոխարինելով պտտվող սկավառակներով: Արդիականացման աշխատանքները վիթխարի են եղել, քանի որ սկավառակների նյութն ամբողջությամբ է փոխարինվել: Սարքը դարձել է ավելի դիմացկուն և անվտանգ: Դրանով ավարտվել է Epilady- ի դարաշրջանը, և զսպանակի փոխարեն սկավառակներով սարքերը սկսել են ավելի ու ավելի հաճախ շուկայում հայտնվել:

Այդ պահից սկսած գեղեցիկ սեռի ներկայացուցիչների համար սովորական է դարձել լոգարանում ունենալ սկավառակի հիմքով էպիլ յատոր: Ժամանակ է անցել, բայց մաշկից մազերի արդյունավետ հեռացման սարքում մեծ փոփոխություններ չեն եղել, այլ միայն տեխնոլոգիական փոքրիկ փոփոխություններ: Հետո հորինվել է միկրո պինցետների համակարգը, որի դեպքում յուրաքանչյուր մազ բռնում են սկավառակները, ակնթարթորեն հանում ու հեռացնում, որպեսզի չխանգարեն սարքի աշխատանքին: Էպիլ յացիան դարձել է անհամեմատ ավելի արագ և գործնականում առանց ցավի: Ներկայում ժամանակակից տեխնոլոգիաները բերել են էպիլ յացիայի գործընթացի նոր նախադրյալներ, որոնք ուղղված են հարմարավետություն և կատարյալ մաքրություն ապահովելուն:

Օրինակ՝ կան հատուկ հովացման գելային ժապավեններ, որոնք զգալիորեն նվազեցնում են այրման և մրմռոցի զգացողությունները էպիլ յացիայի ժամանակ: Բացի դա, շուկայում կան տարբեր բուժիչ միջոցներ, որոնք արդյունավետորեն և արագ հանգստացնում են մշակված մաշկը: Նման սարքեր մշակողների համար ամենակարևոր խնդիրն է էպիլ յատորը կատարելագործել մինչև այն աստիճան, որ գործընթացի ժամանակ ընդհանրապես ցավ չլինի: Ժամանակակից ընկերություններից մեկում մազերը հեռացնելու համար մետաղը փոխարինել են կերամիկայով:

Ապացուցված է, որ հիպոալերգենային կերամիկական նյութը գործը կատարում է ավելի մանրակրկիտ: Միևնույն ժամանակ, կերամիկան շատ դիմացկուն է և չի ունենում վաղաժամ մաշվածություն: Ժամանակակից էպիլ յատորների կառուցվածքը և դիզայնը տարատեսակ է, կարելի է ընտրել այնպիսին, ինչպիսին ցանկալի է, նաև գունային սխեման է բազմազան` ցանկացած նախասիրության համար:

ԿԱՄՈ ԽԱՉԻԿՅԱՆ

Մանրամասները՝ «Փաստ» օրաթերթի այսօրվա համարում