Ֆոտովոլտային պարկ Նիսպորենիում. արևային մարտկոցների ընդհանուր հզորությունը 800 կիլովատ է

Publika.md-ը գրում է, որ մոլդովական Նիսպորենիում վերջերս շահագործման է հանձնվել ֆոտովոլտային պարկ։ Այնտեղ տեղադրված արևային մարտկոցների ընդհանուր հզորությունը 800 կՎտ է։ Մեկ տարում, ըստ ինժեներների, դրանք կարտադրեն ավելի քան մեկ միլիոն կիլովատ էներգիա, որը բավարար է հարյուրավոր տնային տնտեսությունների էլեկտրականությամբ ապահովելու համար։

Ծրագիրն իրականացվել է Դանիայից եկած ներդրողի շնորհիվ։ Նրա կարծիքով, Մոլդովան մեծ ներուժ ունի կանաչ էներգիայի ոլորտում, ինչը հատկապես կարևոր է ներկա պայմաններում։

Գրեթե երկու հեկտար հողատարածքի վրա տեղադրվել է 1843 արևային մարտկոց։ Ինժեներներն ասում են, որ այստեղ արտադրվող էներգիան կարող է ապահովել էներգիայով 700 տնտեսություն կամ 50 մանկապարտեզի։

Նիսպորենիի ֆոտոգալվանային պարկը շահագործման է հանձնվել սեպտեմբերի վերջին, այն ունի ութ ինվերտոր, իսկ համակարգի աշխատանքը հնարավոր է վերահսկել հեռակա կարգով։ «Ֆոտովոլտային պարկի շահագործումը վերահսկվում է հեռախոսի մոնիտորինգով, աշխարհի ցանկացած կետում, քանի դեռ այն միացված է ինտերնետին։ Մարդը, ով ղեկավարում է այդ էլեկտրակայանը, կարող է վերահսկել դրա աշխատանքը առանց տարածքում գտնվելու»,- ասել է ինժեներ Պետր Արժենկովը։

Ինժեներների խոսքով, կայանը առավելագույն հզորության հասնում է մայիս-փետրվարին, և դրա արդյունավետությունը կախված է նաև օդի ջերմաստիճանից։ «Ամենաշատ էներգիան արտադրվում է փետրվարին և մայիսին, երբ եղանակը ցուրտ է, և արևը պայծառ շողում է։ Որքան շատ արև, այնքան ավելի շատ էներգիա է այն արտադրում: Նաև էլեկտրակայանի հզորությունը կախված է շրջակա միջավայրի ջերմաստիճանից։ Որքան բարձր է ջերմաստիճանը 25 աստիճանից, այնքան քիչ էներգիա է այն արտադրում։ Եթե, օրինակ, երեսուն աստիճան է, ապա վահանակների արդյունավետությունը նվազում է»,- ասել է Պետր Արժենկովը։

Գաղափարը կյանքի է կոչվել դանիացի ներդրողի շնորհիվ, ով աշխատում է այս ոլորտում ավելի քան 16 տարի: «Մոլդովան մեծ բնական պաշարներ ունի։ Ե՛վ քամին, և՛ արևը: Այս պահին մենք ներդրումներ ենք կատարել արևային էներգիայի ոլորտում։ Մոլդովայում վերականգնվող էներգիայի մասնաբաժինը դեռ փոքր է, բայց բարեփոխումների շնորհիվ մեզ նման մարդիկ ավելի շատ հնարավորություններ ունեն։ Մենք կկարողանանք էներգիան վաճառել ավելի էժանով, քան արտադրվում է երկրում առկա մեթոդներով,- ասում է Էսբեն Կումկե Քրիստենսենը,- հնարավորինս շատ ֆոտովոլտային պարկերի կառուցումը կարող է զգալիորեն նվազեցնել Մոլդովայի էներգետիկ կախվածությունը այլ երկրներից: Երկարաժամկետ հեռանկարում արևային և քամու էներգիան օգտագործող այս տեխնոլոգիաները կկարողանան Մոլդովան փոխակերպել էներգիա ներմուծող երկրից երկիր, որը կարող է այն արտահանել»:

Նախագծի իրականացմանը մասնակցել է նաև Մոլդովայի նախկին վարչապետ Չիրիլ Գաբուրիչին։ Վերջերս «Reporter Special»-ի եթերում, որը հեռարձակվում է Canal 2-ով, նա նշել է երկրում կանաչ էներգիայի զարգացման աճող արդիականությունը. «Սրանք մի քանի քայլեր են, որից հետո մենք որոշակի որոշումների կգանք։ Որոշումը դեռ վերջնական չէ, քանի որ այդ էներգիան արտադրվում է միայն ցերեկը, միայն այն ժամանակ, երբ արև է։ Լուծումն այն է, որ պահեստավորման տարբերակները շատ ավելի մատչելի դարձնենք: Այսօր դրանք թանկ են, շատ թանկ»։

Գաբուրիչիի խոսքով՝ կանաչ էներգիան պետք է խթանվի.  «Ներդրողները պետք է կարողանան երկարաժամկետ պայմանագրեր կնքել էլեկտրաէներգիայի պոտենցիալ սպառողների կամ գնորդների հետ։ Սա հնարավորություն կտա ներդրողներին այդ նախագծերը դարձնել շահավետ, որպեսզի նրանք կարողանան ներդրումների մի մասը ստանալ նաև բանկերից»: Նիսպորենիում նախագիծն արժեցել է 800 հազար եվրո։

Հայաստանում արևային պանելներ արտադրող առաջին և միակ ընկերությունը Սոլարոնն է։ Տեղադրե՛ք SolarOn արևային կայան և զրոյացրեք էլեկտրաէլերգիայի ծախսը 
Գրե՛ք կամ զանգահարեք և ստացեք անվճար հաշվարկ Ձեզ անհրաժեշտ արևային կայանի հզորությանն ու արժեքի վերաբերյալ։
Զանգահարեք 8757, 010 440055
էլ. փոստ ֊ [email protected]