Ալեքսանդր Նովակը՝ նավթի գների սահմանափակմանը ՌԴ-ի պատասխանի մասին

Դարձի՛ր gg-ի գործընկերը և վաստակիր մինչև 1.000.000 դրամ 

Պարզապես անցիր ԱՅՍ հղումով և լրացրու օնլայն հայտը՝  https://bit.ly/ggPartner_past-am

Ռուսաստանը, ի պատասխան գների շեմ մտցնելուն, նախատեսում է արգելել նավթի եւ նավթամթերքների մատակարարումը այն երկրներ, որոնք պայմանագրերում կպահանջեն հետեւել այս պայմանին, ասել է փոխվարչապետ Ալեքսանդր Նովակը, տեղեկացրել է «ՌԻԱ Նովոստի»-ն։

Նա հիշեցրել է նախագահի կողմից պատրաստվող հրամանագրի մասին։ «Այդ հրամանագրի շրջանակում է նավթի եւ նավթամթերքների մատակարարման արգելքն այն երկրներ եւ այն իրավաբանական անձանց, որոնք կպահանջեն պայմանագրերում հետեւել գների շեմին, որը մտցրել է Եվրամիությունը»,- ասել է Նովակը։ Նրա խոսքով՝ Մոսկվան պատրաստ է գնալ նավթարդյունահանման մասնակի կրճատման։

Նովակն ավելացրել է, որ նավթարդյունահանումը Ռուսաստանում եկող տարեսկզբին կարող է կրճատվել 500-700 հազար բ/օրով։ «Մենք պատրաստ ենք արդյունահանման մասնակի կրճատման։ Հաջորդ տարվա սկզբին մենք կարող ենք կրճատել 500-700 բ/օր։ Մեզ համար դա մոտ 5-6 տոկոս է։ Դա աննշան ծավալ է, բայց այդ ռիսկերը գոյություն ունեն»,- տեղեկացրել է ՌԴ փոխվարչապետը։

Նրա խոսքով՝ բնական գազի արդյունահանումը Ռուսաստանում 2022թ. իջել է 18-20 տոկոսով՝ 671 մլրդ խորանարդ մետր։ «Մինչեւ տարեվերջ նավթային ճյուղում կավելացնենք արդյունահանման ծավալները անցած տարվա համեմատ 2 տոկոսով՝ 535 մլն տոննա։ Մոտ 5 տոկոսով ավելի նավթամթերքներ կարտադրենք, քան անցած տարի։ Այո, կա արդյունահանման մասնակի կրճատում գազային ճյուղում՝ մոտ 18-20 տոկոսով, այնուամենայնիվ, մեր ճյուղն այս տարի կարդյունահանի 671 մլրդ խորանարդ մետր գազ. դա նույնպես ավելի մեծ ծավալ է, որից ներքին շուկա կգնա մոտ 470 մլրդ խորանարդ մետր»,- «Ինտերֆաքսի» տեղեկացմամբ ասել է նա։