Տեղյա՞կ եք, թե որ գարեջուրն է աշխարհում առաջատարը վաճառքի ծավալով. «Փաստ»

«Փաստ» օրաթերթը գրում է

Ո՞րն է աշխարհում ամենաշատ վաճառվող գարեջուրը:ԵՄ-ում, Ռուսաստանում կամ ԱՄՆ-ում ապրող միջին սպառողը դժվար թե ճիշտ պա տաս խ ա նի այդ հար ց ի ն : Heineken-ի, Bud-ի և Budweiser-ի այլ գարեջրի անուններ կտան, բայց դուք չեք լսի ճիշտ պատասխանը: Իսկ եթե ճիշտ պատասխանը հնչի, ապա շատերը դրան կարող են նույնիսկ չհավատալ։ Սնոու գարեջուր անվանումը որևէ բան ասո՞ւմ է ձեզ: Դե, հնարավոր է՝ լսել եք կամ նույնիսկ խմել եք: Սակայն պարզվում է, որ հենց այդ ապրանքանիշն է համաշխարհային առաջատարը գարեջրի վաճառքի ծավալով: Այն հայտնի է հիմնականում իր հայրենիքում՝ Չինաստանում։ 2007 թվականից ի վեր այն վաճառքի գծով թիվ առաջին գարեջուրն է աշխարհում, բացի այդ, ապրանքանիշը հանդիսանում է գարեջրի հսկա SABMiller-ի դրոշակակիրը։

Snow Beer (ձյունային գարեջուր) ապրանքանիշը հաջողության է հասել գրագետ գովազդային արշավի և սպառողների գիտակցության մեջ «ձյունոտ», թարմացնող ըմպելիքի կերպար ստեղծելու, ինչպես նաև իսկապես լավ (նույնիսկ եվրոպական չափանիշներով) համի շնորհիվ: Այն ունի կարբոնացիայի բարձր մակարդակ (թարմացնող ազդեցությունը ուժեղացնելու համար), նուրբ դառնություն և հարուստ համ: Սնոուի արտադրության մեջ օգտագործվում է չեխական Saaz Late hop հիբրիդային գայլուկի տեսակը, որը նույնական է Saaz hop-ին իր անուշաբույր պարունակությամբ, բայց գերազանցում է նրան բերքատվությամբ: Ագրեսիվ գովազդ, գումարած ապրանքին համարժեք գին, և զարմանալի չէ, որ Սնոու գարեջուրը շատ արագ հայտնի է դարձել Չինաստանում: «Snow Beer Co» ընկերությունը ստեղծվել է 1994 թվականին Չինաստանի կառավարության առաջարկով։

Մրցույթ էր հայտարարվել «ժողովրդական» գարեջրի ստեղծման համար։ Արդյունքում մրցույթը հաղթել էին Snow Beer-ի ստեղծողները և շուտով միջոցներ ստացել միանգամից երեք գարեջրի գործարանի կառուցման համար։ Արդեն 2002 թվականին «ձյունը» դարձել է ազգային գարեջուր, որը հատկապես սիրվել է Երկնային կայսրության երիտասարդների կողմից։ 2007 թվականին Չինաստանի կառավարությունը գրանցել է Snow Beer ապրանքանիշը։ 2005 թվականից մինչև 2010 թվականը ընկերությունը դարձել է չինական գարեջրի մրցանակի հաղթող։ Դրան զուգահեռ աճել է նաև բուն ապրանքանիշի արժեքը։ 2006 թվականին Snow Beer-ը գնահատվել է 11,2 միլիարդ յուան, իսկ 5 տարի անց դրա արժեքն արդեն գերազանցել է 46 միլիարդ յուանը, որը Չինաստանի ամենաթանկ ապրանքանիշների շարքում 29-րդն է։

Իսկ դա բավականին լավ արդյունք է սննդի արդյունաբերության համար: Բացի այդ, «Snow Beer»-ը մի քանի տարի Չինաստանում եղել է ամենաարագ զարգացող ընկերությունը: Ներկայում ընկերությունն ունի 80 գործարան Չինաստանում, որոնք, բացի բուն Սնոու գարեջրից, արտադրում են ևս մոտ 30 տարածաշրջանային ապրանքանիշեր։ Ընկերության մասնաբաժինը ազգային շուկայում կազմում է 21 %, իսկ վաճառքը 2011 թվականին գերազանցել է 10 մլրդ լիտրը։ Այսօր ընկերության հիմնական սեփականատերերն են China Resources Enterprise և SABMiller անդրազգային կորպորացիաները։

ԿԱՄՈ ԽԱՉԻԿՅԱՆ

Մանրամասները՝ «Փաստ» օրաթերթի այսօրվա համարում