«Գնում եմ այնտեղ, որտեղից հետ գալու հավանականությունը շատ քիչ է». հայր ու որդի Հովհաննիսյաններն անմահացել են Ջրականում. «Փաստ»
ИНТЕРВЬЮ![«Գնում եմ այնտեղ, որտեղից հետ գալու հավանականությունը շատ քիչ է». հայր ու որդի Հովհաննիսյաններն անմահացել են Ջրականում. «Փաստ»](/timthumb.php?src=disc/01-03-23/f519c7d587f0bf23636c92cf6543a114.jpg&w=780)
«Փաստ» օրաթերթը գրում է
Այսօր հայր և որդի Կարեն և Նարեկ Հովհաննիսյանների մասին ենք պատմելու: Տիկին Հասմիկի խոսքով, ամուսինը հոգատար էր, ընտանիքին նվիրված: «Պատերազմ ևս ընտանիքի համար գնաց: Մեր տղային չկարողացանք հետ պահել, որ կամավոր չմեկնի: Կարենն էլ ասաց՝ իմ տղան գնում է, մնում եմ, որ ի՞նչ անեմ: Մեկ պատերազմ արդեն տեսել էր, 1992-94 թթ. մասնակցել էր ռազմական գործողությունների, վիրավորում ստացել, գիտեր, թե ինչ բան է պատերազմը»,-«Փաստի» հետ զրույցում ասում է Կարենի կինը: 27 տարի կլիներ, ինչ ամուսնացած էին:
«Իրար ավելի փոքրուց էինք ճանաչում, դպրոցում միասին էինք սովորել, մի թաղամասում էինք ապրում: Սկզբում դասընկերներ էինք, հետո ընկերներ, իսկ հետո ընտանիք դարձանք»,-հավելում է զրուցակիցս:
Կարենն ու Հասմիկը որդի և դուստր ունեն: Այս պատերազմում տիկին Հասմիկը նաև որդուն է կորցրել: «Նարեկը շատ մեծ սիրո պտուղ է: Խելացի ու բանիմաց, նաև աշխույժ տղա էր: Բարձր գնահատականներով ավարտել էր Երևանի հայ-հունական պետական քոլեջի Խմորման և գինեգործության բաժինը, գարեջրի մասնագետ էր, հետո ընդունվել Ագրարային համալսարանի գինեգործության բաժնի միանգամից երկրորդ կուրս: Միաժամանակ աշխատում էր նաև Երևանի գարեջրի գործարանում: Երրորդ կուրսի ուսանող էր, երբ պատերազմն սկսվեց, երբ մեր բոլոր երազանքներն ու նպատակները կիսատ մնացին»: Տիկին Հասմիկի խոսքով, որդին փոքրուց սիրել է իր մասնագիտությունը, պապիկն էլ այդ մասնագիտությունն ուներ, և Նարեկը նրա հետ հաճախ էր գործարանում լինում: Նարեկը 2015-2017 թթ. ծառայել էր Ասկերանում, Ապրիլ յան պատերազմի մասնակից էր:
«Պատերազմի օրերին 102 օր դիրքերից չիջավ, ավագ սերժանտ էր, երբ զորացրվեց: Հայր ու որդի շատ լավ գիտեին՝ պատերազմն ինչ է, ճանաչում էին թշնամու ձեռագիրը, պատահական չէր, որ առաջին օրերին մեկնեցին ռազմադաշտ: Որդուս ասացի՝ մեկ օր սպասի, տեսնենք, թե ինչ է կատարվում, պատասխանեց՝ չե՞ս հասկանում, որ տղերքը մենակ են: Այլևս անիմաստ էր որևէ բան ասել»,-նշում է տիկին Հասմիկը:
Վերհիշում ենք պատերազմի օրերը: «Նարեկը պատերազմը սկսվելուց հետո ծանուցագիր ստացավ, գնում էր զինկոմիսարիատ, ասում էին՝ գնա, առավոտյան կգաս, հետո գնա, վաղը կգաս: Տղաներն ըմբոստացան, թե մեզ տանում, բերում եք: Սկսեցին կամավոր ջոկատներ կազմել, այդ պահին մի մարդ ասաց՝ գնում եմ Ստեփանակերտ, մեքենայիս մեջ տեղ ունեմ, Նարեկն էլ արձագանքեց՝ գալիս ենք: Շատ արագ ստացվեց ամեն ինչ: Մեր հարևաններից մեկին ասել էր՝ գնում եմ այնտեղ, որտեղից հետ գալու հավանականությունը շատ քիչ է»: Հայր ու որդի Երևանից հասնում են Ստեփանակերտ:
«Նարեկը սկզբից գնացել էր Ասկերանի այն զորամասը, որտեղ ծառայել էր: Ասել էին՝ տեղ չունենք այստեղ, մեր զինվորները շատ են: Մատաղիսից էլ հետ էին ուղարկել, չգիտեմ, թե ինչ պատճառով: Հետո ամուսինս նկար ուղարկեց, գրել էր՝ «գնացինք Ջաբրայիլ»: Կապի մեջ էի իրենց հետ, ասացի՝ Կարե՛ն, խնդրում եմ, հետ եկեք: Պատասխանեց՝ էլ չենք կարող: Չգիտեմ՝ այդ պահին ինչ մտածեց, ինչեր էին արդեն տեսել»: Վերջին անգամ ամուսնու և որդու հետ տիկին Հասմիկը զրուցել է հոկտեմբերի 2-ի ուշ երեկոյան, հոկտեմբերի 3-ին արդեն նրա զանգերն անպատասխան են մնացել: «Մեզ որևէ մեկը հետագայում կոնկրետ չասաց, թե երբ են զոհվել, բայց գիտենք, որ այդ գիշեր Ջրականում երևի ամենամեծ մարտն էր եղել: Նարեկը նաև հոկտեմբերի 2-ի գիշերն ընկերներին նամակ էր գրել՝ «բոյ ենք տալիս, չենք մեռել»: Առավոտյան արդեն իր հեռախոսին պատասխանող չեղավ: Հոկտեմբերի 11-ին թուրքական ինչ-որ էջում տեսանյութ էին տեղադրել, զոհված տղաներն էին, Նարեկը ճանապարհին էր ընկած, տեսանյութը դիտելուց հետո զգացողություն ունենք, որ հետ է դարձել, շրջվել դեպի հայրը և…»:
Կարեն և Նարեկ Հովհաննիսյանների մահվան տարելիցն ընտանիքը նշում է հոկտեմբերի 3-ին՝ որպես վերջին զանգի ու նամակի օր: Հիմա հայր ու որդի միասին են՝ Եռաբլուրում: «Մենք ենք գտել իրենց, ամեն տեղ գնում էինք, մեզ ասում էին՝ նահանջել ենք, չենք կարող այդ տարածքներ մտնել: Բայց իմ տղան մեկ րոպե չմտածեց նահանջելու մասին, առաջին իսկ օրերին մեկնեց ռազմադաշտ: Այդ տեսանյութով անգամ նախարարություն եմ գնացել: Ընկերները, հարազատները, բոլորս իրենց էինք փնտրում: Հոկտեմբերի վերջն էր, տեղեկացանք, որ Ջրականից 26 դի են փոխանցել հայկական կողմին: Ընկերները գնացին Մեծամորի դիահերձարան, զանգեցին՝ Նարեկին գտել ենք, բնական է՝ հայրն էլ իր հետ էր, իրենց ինքնությունը հաստատեցին նաև ԴՆԹով: Հուղարկավորության օրն արդեն լրացել էր իրենց մահվան քառասուներորդ օրը»:
Ի՞նչն է ուժ տալիս տիկին Հասմիկին «կյանքը շարունակելու» համար:«Ինձ միայն աղջիկս է ուժ տալիս: Պահ է գալիս, որ սպառվում եմ, բայց դժվար պահերին նայում եմ աղջկաս ու ասում՝ իրենք Աննային իմ հույսով են թողել: Հիմա Աննան ուսանողուհի է, իրեն միշտ ասում եմ՝ Նարեկի կիսատ թողածը դու պիտի լրացնես, երբ իմ գործն այստեղ ավարտեմ ու գնամ հայրիկի ու եղբորդ մոտ, պետք է պարզ ճակատով կանգնեմ իրենց առջև ու ասեմ՝ ձեզ չկարողացա հետ պահել պատերազմ մեկնելուց, բայց մի կարևոր գործ արեցի՝ մեր աղջկան հասցրեցի իր նպատակներին»:
Հ. Գ. - Կարեն Հովհաննիսյանն Արցախյան առաջին պատերազմից հետո պարգևատրվել է «1992-1994 թթ. Մարտական գործողությունների մասնակից» կրծքանշանով, «Մայրական երախտագիտություն» մեդալով: 44օրյա պատերազմից հետո հետմահու պարգևատրվել է «Մարտական ծառայություն» մեդալով: Կարենի որդին՝ Նարեկ Հովհաննիսյանը, ժամկետային զինծառայության ընթացքում արժանացել է պատվոգրերի, հետմահու պարգևատրվել է «Մարտական ծառայություն» մեդալով:
ԼՈՒՍԻՆԵ ԱՌԱՔԵԼՅԱՆ
Մանրամասները՝ «Փաստ» օրաթերթի այսօրվա համարում
![](disc/01-03-23/f97808148efa456a2039504ec82320e8.jpg)
![](disc/01-03-23/e570ba0b81f9afbd2028cb614dcffb51.jpg)
![](disc/01-03-23/25d621239e29dfeb0824882ae3718917.jpg)
![](disc/01-03-23/3b833461a281f43e1dffd8718811b20a.jpg)
![](disc/01-03-23/7741f8bd112fdf475b94e908bf2e72d6.jpg)
![](/timthumb.php?src=disc/16-06-24/9684a67095becc0c2af354efe5c80def.jpg&w=60&h=60)
![](/timthumb.php?src=disc/16-06-24/f65ae144813a7d4967383a9b2d1695c8.jpg&w=60&h=60)
![](/timthumb.php?src=disc/15-06-24/36c6e57adf5083d37948eeb873fc4c51.jpg&w=60&h=60)
![](/timthumb.php?src=disc/15-06-24/d2b58b47c097191e6115d4f2ee9a78da.jpg&w=60&h=60)
![](/timthumb.php?src=disc/15-06-24/b02a946aae241da20f8a6e7b94c5873e.jpg&w=60&h=60)
![](/timthumb.php?src=disc/14-06-24/ae134aa859d55b34d0360b30cbe414c5.jpg&w=60&h=60)
![](/timthumb.php?src=disc/14-06-24/506cdfe5b053074555980d76e426fb07.jpg&w=60&h=60)
![](/timthumb.php?src=disc/14-06-24/b23043c353518e6feca46e55ed32017d.jpg&w=60&h=60)
![](/timthumb.php?src=disc/14-06-24/9eb8f9c5186c210f86fb73408b19490f.jpg&w=60&h=60)
![](/timthumb.php?src=disc/14-06-24/a2bf059353ad01a2e6e66288f40e94a7.jpg&w=60&h=60)
![](/timthumb.php?src=disc/14-06-24/bf00b029989cf6489b1c578cfbef050d.jpg&w=60&h=60)
![](/timthumb.php?src=disc/14-06-24/f02d793e5883ff106d4904a6583679e3.jpg&w=60&h=60)
![](/timthumb.php?src=disc/14-06-24/f42078b06e098098b7f46127af6cbe27.jpg&w=60&h=60)
![](/timthumb.php?src=disc/14-06-24/31a00e2b0c78330de1c5fd0a06d7a077.jpg&w=60&h=60)
![](/timthumb.php?src=disc/14-06-24/bbe7ba1aaf2f61467470e9be4e66c63c.jpg&w=60&h=60)
![](/timthumb.php?src=disc/14-06-24/e49acf08e263c6a5e5ffee82cd6376a3.jpg&w=60&h=60)
![](/timthumb.php?src=disc/14-06-24/167833f19802eed124452b3e91127aba.jpg&w=60&h=60)
![](/timthumb.php?src=disc/14-06-24/c992c8bb026b2b61b45186558336cd21.jpg&w=60&h=60)
![](/timthumb.php?src=disc/14-06-24/af562f64929d42dea0e6d51329a547a1.jpg&w=60&h=60)
![](/timthumb.php?src=disc/14-06-24/9150a0474381c9ce424696de01b11519.jpg&w=60&h=60)
![](/timthumb.php?src=disc/14-06-24/0229a4c3011424fc1b2d9031b98c2520.jpg&w=60&h=60)
![](/timthumb.php?src=disc/14-06-24/eae056d205f25de4a2fd435d02a1200d.jpg&w=60&h=60)
![](/timthumb.php?src=disc/14-06-24/54d814e3e0d1a425a42fb3ef4a577374.jpg&w=60&h=60)
![](/timthumb.php?src=disc/14-06-24/38e2c4bebf5553c6890de9386e756eff.jpg&w=60&h=60)
![](/timthumb.php?src=disc/14-06-24/0de7697736605fcd92c2ca3cd4ca0963.jpg&w=60&h=60)
![](/timthumb.php?src=disc/14-06-24/7128fa338d4ef23e60cdcdd33514b5a3.jpg&w=60&h=60)
![](/timthumb.php?src=disc/14-06-24/12530a2fa719591dcad40d120b948208.jpg&w=60&h=60)
![](/timthumb.php?src=disc/14-06-24/6462c0d8df0b4a45036807e233ad0297.jpg&w=60&h=60)
![](/timthumb.php?src=disc/14-06-24/c9ee7cf0814da56b6bb1dc3cffb560fb.jpg&w=60&h=60)
![](/timthumb.php?src=disc/13-06-24/cfddab7e6ccee9677ae6d373c7535b75.jpg&w=60&h=60)
![](/timthumb.php?src=disc/13-06-24/ee7841e505ece2182589733e9d981cdb.jpg&w=60&h=60)
![](/timthumb.php?src=disc/13-06-24/0f5d6022ab6ec96122fe72e6e6a5941f.jpg&w=60&h=60)
![](/timthumb.php?src=disc/13-06-24/60de7981ae848feb068af6e51e56f96e.jpg&w=60&h=60)
![](/timthumb.php?src=disc/13-06-24/4404aefb8405be6f1d25957eec50d2a0.jpg&w=60&h=60)
![](/timthumb.php?src=disc/13-06-24/cc2b38b41ed5753d821238b3be000f26.jpg&w=60&h=60)
![](/timthumb.php?src=disc/13-06-24/7aed5595783e6880471646288c369342.jpg&w=60&h=60)
![](/timthumb.php?src=disc/13-06-24/2e157e28b382dc80fbc6a2b805e07661.jpg&w=60&h=60)
![](/timthumb.php?src=disc/13-06-24/c23a9de1de725bab43ff0dd4086d40c3.jpg&w=60&h=60)
![](/timthumb.php?src=disc/13-06-24/09afed134d474bacefb69fcacba937f2.jpg&w=60&h=60)
![](/timthumb.php?src=disc/13-06-24/fb6f1e84b4bb0fd59b9059f28af0b8a2.jpg&w=60&h=60)
![](/timthumb.php?src=disc/13-06-24/728a784b2782615045f2f06e0a9a8240.jpg&w=60&h=60)
![](/timthumb.php?src=disc/13-06-24/d032931883d8aac337904c11a7431596.jpg&w=60&h=60)
![](/timthumb.php?src=disc/13-06-24/37530da3ee1f03277b68065b3d101745.jpg&w=60&h=60)
![](/timthumb.php?src=disc/13-06-24/087b218c65fd0f0eeeb9a257899f6f5e.jpg&w=60&h=60)
![](/timthumb.php?src=disc/13-06-24/0cc53f23718d6d5fa2799e4d37c4b671.jpg&w=60&h=60)
![](/timthumb.php?src=disc/13-06-24/f53f1cad6860340999fc15713797162e.jpg&w=60&h=60)
![](/timthumb.php?src=disc/13-06-24/3d92be046f339402acd0d624b3509682.jpg&w=60&h=60)
![](/timthumb.php?src=disc/13-06-24/ec3b7beb8a5e68f351bb55a53b35bce3.jpg&w=60&h=60)
![](/timthumb.php?src=disc/13-06-24/ba451aac2d59ed357fee1f0f89de14d4.jpg&w=60&h=60)
![](/timthumb.php?src=disc/13-06-24/e813ed197cd322323c1ce4768ba9ab8d.jpg&w=60&h=60)
![](banners/acba.gif)
![](banners/venus.jpg?v3sd2s)