Պատարայում հաստատակամորեն շարունակում են արարել. համայնքն այսօր
ОБЩЕСТВОՑանկանու՞մ ես ստանալ Ավտովարկ ընդամենը մեկ օրում։ Պարզապես դիմիր առցանց, լրացրու օնլայն հայտը ԱՅՍՏԵՂ և մեր մասնագետները հաշված րոպեների ընթացքում կապ կհաստատեն քեզ հետ։ Լրացրու հենց հիմա
Արցախի Հանրապետության Ասկերանի շրջանի Պատարա համայնքում 2020թվականի աղետալի պատերազմից հետո 54 տեղահանված ընտանիք է հաստատվել:
Այս մասին «Արցախպրես»-ի թղթակցի հետ զրույցում ասել է Պատարա համայնքի ղեկավար Վալերի Ղահրամանյանը:
«Բնակիչների մեծ մասն ապահովված է աշխատանքով: Գյուղում սղոցագործարան, ածխի վերամշակման կետ և հացի երեք փոքրիկ արտադրամաս է գործում: Տարվա այս ժամանակահատվածում էլ մարդիկ գյուղատնտեսական աշխատանքներով են զբաղված: Վարելահողերն են մշակում` այն հույսով, որ ամեն ինչ կկարգավորվի ու հարատև խաղաղություն կհաստատվի մեր հայրենիքում: Հաճախ փորձում ենք հույս ներշնչել մեզնից տարիքով փոքրերին՝ օրինակ բերելով Արցախյան առաջին պատերազմի ծանր օրերն ու ձեռք բերած արդյունքը: Մենք գիտակցում ենք, որ ուրիշ տեղ տանիք չենք ունենալու, ուրիշ տեղ մեր պատմությունը չենք կերտելու, և շարունակում ենք հաստատակամորեն արարել մեր հողում»,-նշել է Վ.Ղահրամանյանը:
Համայնքի ղեկավարը տեղեկացրել է, որ 350 հեկտար աշնանացան են կատարել, իսկ գարնանացանի աշխատանքների համար ընդգրկել են նաև նախկինում չմշակված հողատարածքները: Վերջին շրջանում համայնքում սկսել է զարգանալ այգեգործությունը:
«Գյուղում գործում է չորս առևտրի կենտրոն: Խանութպանները պատշաճ մակարդակով սպասարկում են բնակիչներին։ Ճանապարհներն ապահովված են գիշերային լուսավորության սարքերով, բայց, հովհարային անջատումներով պայմանավորված, այս ընթացքում չենք օգտագործում:
Ամառային սեզոնին գյուղում կյանքն ավելի է աշխուժանում, քանի որ մեր համայնքը նաև հետաքրքիր հանգստավայր է արցախցիների համար»,-ընդգծել է մեր զրուցակիցը:
Անդրադառնալով գյուղի խնդիրներին՝ Վ.Ղահրամանյանն առանձնացրել է դպրոցի նոր շենքի համար սպորտդահլիճի կառուցման անհրաժեշտությունը և ընդհանրացրել` խաղաղություն լինի, ամեն ինչ կկարգավորվի։