Ադրբեջանցիները անձամբ ինձ պատկանող հողատարածքում տնկել են Ադրբեջանի դրոշը. Տեղ գյուղի բնակիչ

Ցանկանու՞մ ես ստանալ Ավտովարկ ընդամենը մեկ օրում։ Պարզապես դիմիր առցանց, լրացրու օնլայն հայտը ԱՅՍՏԵՂ և մեր մասնագետները հաշված րոպեների ընթացքում կապ կհաստատեն քեզ հետ։ Լրացրու հենց հիմա

Ադրբեջանցիներն անձամբ ինձ պատկանող հողատարածքում տնկել են Ադրբեջանի դրոշը։ Այս մասին «Հրապարակի» հետ զրույցում ասաց Տեղ գյուղի բնակիչ, Տեղ համայնքի «Ապրելու երկիր» կուսակցության ավագանու անդամ Մասիս Զեյնալյանը։

Մեզ հետ զրույցում նա նշեց, որ ադրբեջանցիների կողմից այս առաջխաղացման հետեւանքով գյուղի բնակչության մի մեծ զանգված կորցրել է իրենց պատկանող հողերը, որտեղ հիմնականում հացահատիկ էին ցանում։

«Այդ հենակետում առաջ ռուս սահմանապահներն էին կանգնած,սակայն հետ են քաշվել ու հիմա այս պահին բանակցություններ են գնում ադրբեջանցիների հետ»,-տեղեկացրեց Զեյնալյանը։

Նա նշեց,որ կրակոցներ չեն հնչել ու հեռվից երեւում են ադրբեջանցիների մեքենաներն ու բարձրացրած դրոշը։ Նյութի ներքեւում Զեյնալյանի տրամադրած նկարներն են ու տեսանյութը։

Մեր աղբյուրը, ով խնդրեց չհանրայնացնել իր անունը,մեզ տեղեկացրեց, որ եվրոպացի դիտորդներն էլ են առավոտյան եկել Տեղ համայնք` իրավիճակին մոտիկից ծանոթանալու համար, սակայն վերջիններս թույլ չեն տվել առաջ գնալ։

Մեր տեղեկություններով, այս պահին Տեղ համայնքում են գտնվում նաեւ Սյունիքի մարզպետ Ռոբերտ Ղուկասյանը, Գորիսի համայնքապետ Առուշ Առուշանյանը, ովքեր փորձում են տեղում ծանոթանալ իրավիճակին։

«Դեռեւս մեկ ամիս առաջ լսել էինք, որ հանձնելու են այս հատվածն էլ, որովհետեւ ով որ հանձնել է, խոստացել էր,որ մինչեւ ապրիլի մեկը հանձնելու է»,-տեղեկացրեց մեզ Սյունիքի մեր աղբյուրը։

Հիշեցնենք,որ այս հատվածը Գորիս -Ստեփանակերտ ճանապարհն ու ու հիմա այդ հատվածով երթեւեկությունն իրականացվելու է Կոռնիձորի գրունտային ճանապարհով, որը սակայն դեռ պատրաստ չէ`չնայած շինարարությունը նոր չէ,որ սկսվել էր։