Իրավիճակը Հրվ. Կովկասում հղի է լուրջ ապակայունացմամբ. ՀԱՊԿ գլխավոր քարտուղարը՝ ԼՂ-ում և հայ-ադրբեջանական սահմանին տիրող իրավիճակի հետ կապված ռիսկերի մասին
ПОЛИТИКАՑանկանու՞մ ես ստանալ Ավտովարկ ընդամենը մեկ օրում։ Պարզապես դիմիր առցանց, լրացրու օնլայն հայտը ԱՅՍՏԵՂ և մեր մասնագետները հաշված րոպեների ընթացքում կապ կհաստատեն քեզ հետ։ Լրացրու հենց հիմա
ՀԱՊԿ գլխավոր քարտուղար Իմանղալի Տասմաղամբետովը մարտի 31-ին Քարտուղարության ղեկավար կազմի և ՀԱՊԿ միացյալ շտաբի բարձրագույն շտաբի ընդլայնված նիստում հայտարարել է, որ իրավիճակը Հարավային Կովկասում շարունակում է հղի լինել լուրջ ապակայունացմամբ, գրում է belta.by-ը:
Նրա խոսքով՝ Լեռնային Ղարաբաղում և հայ-ադրբեջանական սահմանին տիրող իրավիճակի հետ կապված ռիսկերը մնում են արդիական։
«Թվարկված ճգնաժամային իրավիճակների կարգավորումը բարդանում է անվտանգության ոլորտում միջազգային պայմանագրերի համակարգի փաստացի քայքայմամբ, ինչպես նաև ՀԱՊԿ երկրների վրա գործադրվող ուժեղ պատժամիջոցներով և քարոզչական ճնշումներով։ Այնուամենայնիվ, մարտահրավերների բնույթը պահանջում է անդամ երկրների կողմից համակարգված միջոցներ՝ ուղղված կազմակերպության պատասխանատվության գոտում խաղաղության և կայունության ամրապնդմանը»,- ընդգծել է գլխավոր քարտուղարը։
Միաժամանակ նա նշել է անդամ երկրների անվերապահ հավատարմությունը հավաքական անվտանգության շահերին և ընդհանուր վճռականությունը՝ կիրառելու մշակված համատեղ մեխանիզմները վերը նշված և այլ խնդիրների լուծման համար։