Արամ Նիկոլյանը ծանրամարտի ԵԱ բացման արարողությանը մասնակցել է ոչ որպես Հանրային հեռուստաընկերության աշխատակից, նա հրավիրված էր
ОБЩЕСТВОՍեղմեք ԱՅՍՏԵՂ, լրացրեք օնլայն հայտը և մոռացեք հոսանքի վարձի մասին
2013 թվականից Հանրային Հեռուստաընկերության գլխավոր ոճաբանը հանդիսացող Արամ Նիկոլյանը Երևանում կայացած ծանրամարտի Եվրոպայի առաջնության հանդիսավոր բացման արարողությանը չի մասնակցել որպես Հանրային հեռուստաընկերության աշխատակից։
Այս մասին Tert.am-ին հայտնեց Առաջին ալիքի հանրային և միջազգային կապերի տնօրեն Աննա Օհանյանը։
«Նա եղել է այնտեղ հրավիրված մասնագետ», - ասաց Օհանյանը։
Հարցին՝ արդյոք, ըստ շրջանառվող լուրերի, միջադեպից հետո ոճաբանն ազատվել է աշխատանքից աշխատանքից, Աննա Օհանյանը նշեց, որ այլևս այլևս ոչինչ չունի հավելելու։
Հիշեցնենք, որ ծանրամարտի Եվրոպայի առաջնության բացման արարողության ընթացքում տեղ է ունեցել դրոշների շքերթը։ Երրորդ երկիրը հայտարարվել է Ադրբեջանը: Կարեն Դեմիրճյանի անվան մարզահամերգային համալիրի լեփ-լեցուն տրիբունաները սուլել են, երբ դահլիճ է բերվել Ադրբեջանի դրոշը։
Քիչ անց մարզադահլիճից երկրպագուներից մեկը վազել է բեմ, դրոշը պահող աղջկա ձեռքից խլել այն, վառել և դուրս հանել դահլիճից։ Անվտանգության աշխատակցին հաջողվեց բռնել ակցիա իրականացնողին, այնուհետև նոր դրոշ բերել ներս։
Լուսանկարներից և տեսանյութից պարզ է դարձել, որ այդ երկրպագուն դիզայներ Արամ Նիկոլյանն է։ Նա բերման է ենթարկվել ոստիկանության Մալաթիայի բաժին, սակայն որոշ ժամանակ անց ազատ է արձակվել։