Հայկական գյուղերի հարցերը պետք է լուծվեն․ ԵՄ հատուկ ներկայացուցիչ
ПОЛИТИКАՍեղմեք ԱՅՍՏԵՂ, լրացրեք օնլայն հայտը և մոռացեք հոսանքի վարձի մասին
Հարավային Կովկասում ԵՄ հատուկ ներկայացուցիչ Տոյվո Կլաարը Հանրային հեռուստաընկերության եթերում, ի թիվս այլ հարցերի, մեկնաբանել է Բաքվի հրապարակային հայտարարությունները, որոնց համաձայն՝ Ադրբեջանը ՀՀ-ից պահանջում է գյուղեր վերադարձնել։
Կլաարը, մասնավորապես, նշել է.
«Կարծում եմ, որ Հայաստանում պատկերացումներ կան նաև կոնկրետ գյուղերի և նրանց կարգավիճակի մասին։ Նման հարցերն անխուսափելիորեն պետք է լուծվեն սահմանազատման գործընթացում։
Իսկ ինչ վերաբերում է տարանցիկ երթուղիների և, մասնավորապես, Ադրբեջանի և Նախիջևանի միջև տարանցիկ հաղորդակցության հարցին, եթե այդպիսի երթուղի կամ նման երկաթուղի գտնվում է Հայաստանի տարածքում, ապա դրանք պետք է գործեն Հայաստանի օրենքներին և կանոնակարգերին համապատասխան։ Նման լուծման առկայությունը բնական է»։
Նա հույս է հայտնել, որ կողմերի բարի կամքի դրսևորմամբ այս ասպարեզում առաջընթաց և շոշափելի արդյունքներ կգրանցվեն։
«Ոչ միայն Ադրբեջանի, այլև Հայաստանի շահերից է բխում, եթե Ադրբեջանից Հայաստանով Նախիջևան, իսկ Նախիջևանից՝ Գյումրի ու Կարս երկաթգիծ լինի»,- շեշտել է ԵՄ հատուկ ներկայացուցիչը։