Մազաթափության 6 անսպասելի պատճառ

ЛАЙФ 10 Январь, 2016 11:51

Մեր մազերը կարող են թափվել տարբեր պատճառներով: Ձեր ուշադրությանն ենք ներկայացնում այդ պատճառներից մի քանիսը՝ առավել հետաքրքիրներն ու անսպասելիները:

1. Օրգանիզմում ցինկի ու երկաթիպակասը

Ցինկն ու երկաթը օրգանիզմին անհրաժեշտ են արագ վերականգնվող բջիջների սնուցման համար: Դրանք անհրաժեշտ են նաեւ մազերի աճի ու առողջության համար: Իսկ եթե այդ նյութերը բավարար չեն, մազերն ավելի վատ են աճում ու սկսում են թափվել:

2. Ձվարանների պոլիկիստոզ

Ձվարանների պոլիկիստոզը պայմանավորված է կնոջ օրգանիզմում հորմոնալ հավասարակշռության խախտումով, այդ իսկ պատճառով այն կարող է նաեւ ուժեղ մազաթափության պատճառ դառնալ:

3. Ներարգանդային պարույր

Մազաթափության եւս մեկ պատճառ կարող է լինել ներարգանդային պարույրը: Բանն այն է, որ պարույրը պղնձի բաղադրամասեր է պարունակում, որոնք խախտում են ցինկի յուրացումը, ինչը կարեւոր է մազերի ու մաշկի առողջության համար

4. Դեղամիջոցներ

Որոշ դեղամիջոցներով երկարատեւ բուժումը նույնպես կարող է մազաթափության պատճառ դառնալ: Նման դեղամիջոցներից կարող են լինել հորմոնները, հակակոագուլյանտները, նեստերօիդ հակաբորբոքային, ջղաձգումների դեմ դեղամիջոցները, ռետինոիդները, ցիտոստատիկները եւ այլն:

5. Սթրես

Սթրեսի հետեւանքով օրգանիզմը շատ կարեւոր նյութեր է կորցնում, ինչը հանգեցնում է մազերը թերսնուցման ու մազաթափության:

6. Մազերը հաճախ հարդարելը

Մազերը հաճախ հարդարելը նույնպես վնասակար է, քանի որ այդ հարդարումների համար զանազան միջոցներ են օգտագործում, որոնք քիմիական նյութեր են պարունակում ու բացասաբար են անդրադառնում մազերի ֆոլիկուլների վրա: Հետաքրքիր է, որ հաճախ սանրելը նույնպես կարող է վնասել մազերին՝ զուտ մեխանիկորեն: