SHAMSHYAN.com-ի տեղեկություններով՝ տևական ժամանակ է, ինչ Վերին Լարսի անցակետի դեպի վրացական անցակետ տանող ավտոճանապարհին՝ չեզոք գոտում, ավտոմեքենաների կիլոմետրանոց հերթեր են գոյացել:
Աղբյուրը նշում է, որ պատճառը վրացական անցակետի թերի աշխատանքն է, քանի որ շատ դանդաղ են աշխատում, կամ ուղղակի չեն աշխատում:
Մարդատար ու բեռնատար մեքենաները ստիպված են մի քանի օր անցկացնել Վրաստան մուտք գործելու համար կամ ոտքով անցնել այդ ճանապարհը:Ոտքով անցնելու դեպքում էլ անցակետում կրկին պետք է ժամերով սպասեն, որպեսզի իրենց հերթը հասնի:
Ըստ տեղեկությունների՝ հերթերի պատճառով առաջացել է մոտ 3 և ավելի կմ երկարությամբ խցանում: