Դուք ընդունակ եք միայն փողոցային էժանագին ներկայացումների
БЛОГՌոբերտ Մելքոնյանը Ֆեյսբուքյան իր էջում գրում է.
Առավոտյան <<Ազատություն>> ռադիոկայանով <<Նոր Հայաստան>> կոչվող ֆրոնտի անդամ՝ կարծեմ ինչ-որ Վարուժան Ավետիսյան, հոխորտում էր, որ բոլորը վախեցած են իրենցից և որ իրենք փախուստի կմատնեն իշխանություններին:
Դե իշխանությունները թող իրենք մտածեն փախնեն, թե ոչ, իրենց գործն է վախենան, թե ոչ: Բայց որ դուք խամաճիկների թատերախումբ եք, ես դրա երկրորդ կարծիքը չունեմ, որ դուք և քաղաքականությունը կիլոմետրերով հեռու եք, դրանում առավել քան համոզված եմ, որ դուք այն ուժը չեք, որի հետևից կգնա ՀՀ քաղաքացին՝ դա հաստատ է:
Ձեր մեջ շատ են դատարկախոսները, ճղճղացող, շուկայական լաչառները, ինքնահաստատվող, ինքնասիրահարված, ամեն գնով իշխանության հասնելու, մեռնելու աստիճան պաշտոն երազողները, քաղաքականությունը, քաղաքացիական պայքարը փողոցային անդաստիարակության հետ շփոթողները և իհարկե ազնիվ՝ իշխանության որոշ հաբռգած, լկտիացած ներկայացուցիչների վարքագծից, պահելաձևից վրդովված և ելք չտեսնող մոլորյալները…
Դուք ընդունակ եք միայն փողոցային էժանագին ներկայացումների՝ ընդամենը…
Իսկ լուրջ, կազմակերպված քաղաքական ուժեր, խելացի, կիրթ, սկզբունքային քաղաքական գործիչներ մեզ պետք են՝ շատ են պետք…Վաղուց են պետք…