Ֆրանսիան Լաչինի միջանցքի հարցով ՄԱԿ ԱԽ-ին բանաձև կներկայացնի. Le Figaro
ПОЛИТИКАՍեղմեք ԱՅՍՏԵՂ, լրացրեք օնլայն հայտը և մոռացեք հոսանքի վարձի մասին
Ֆրանսիան պատրաստվում է Լաչինի միջանցքի ապաշրջափակման հարցով բանաձև ներկայացնել ՄԱԿ-ի Անվտանգության խորհուրդ։
Այս մասին տեղեկությունն իր հրապարակման մեջ գրել է ֆրանսիական հեղինակավոր Լե Figaro ամսագրի փոխտնօրեն, լրագրող Ժան Քրիստոֆ Բյուիսոնը: Նա նշել է, որ բանաձևն ուղղված է Լեռնային Ղարաբաղի 120 հազար բնակիչների օգնությանը, որոնք սովամահության եզրին են գտնվում Ադրբեջանի կողմից Լաչինի միջանցքն արգելափակելու պատճառով:
Բացի այդ, Փարիզը և Ֆրանսիայի հիմնական շրջանները հաջորդ շաբաթ մարդասիրական ավտոշարասյուն կուղարկեն Հայաստան, գրել է Բյուիսոնը և հավելել, որ Լեռնային Ղարաբաղի 120 հազար տղամարդկանց, կանանց և երեխաների կյանքը ՄԱԿ-ի Անվտանգության խորհրդի ձեռքում է։
Բյուիսոնը հիշեցրել է, որ 2022 թվականի դեկտեմբերի 12-ին Լեռնային Ղարաբաղը Հայաստանին և արտաքին աշխարհին կապող միակ ճանապարհի փակումի պատճառով ԼՂ բնակչությունը, որը բացառապես հայկական է, փորձության է ենթարկվում։
Լրագրողը նաև նշել է, որ քաղաքացիները զրկված են տարրական կենսագործունեության միջոցներից, դեղերից, բենզինից, սննդից, ինչպես նաև էլեկտրականությունից, ջրից և ինտերնետից, որի հասանելիությունը պարբերաբար փակում են նրանց շրջապատող ադրբեջանցիները։ Աարգելափակման և պարենի բացակայության պայմաններում քաղաքացիական բնակչության շրջանում մի քանի մահ է գրանցվել, հիշեցրել է հոդվածագիրը։
Հիշեցնենք, որ Հայաստանը օգոստոսի 11-ին դիմել էր ՄԱԿ-ի Անվտանգության խորհրդին՝ խնդրելով Լեռնային Ղարաբաղի լիակատար շրջափակման հետևանքով հումանիտար իրավիճակի վատթարացման առնչությամբ արտահերթ նիստ գումարել։ ՄԱԿ ԱԽ նիստը կայացել է օգոստոսի 16-ին, սակայն որևէ փաստաթղթով չարձանագրվեց նիստին ելույթ ունեցող երկրների դիրքորոշումը։