Ереван, 21.Ноябрь.2026,
00
:
00
ВАЖНО

Երբ ուժն ու թուլությունը հողն ու սերն են. Նազենի Հովհաննիսյանը և Խորեն Լևոնյանը՝ «Հոթել Գրանդ»-ի նոր եթերաշրջանում

ЛАЙФ

Սեղմեք ԱՅՍՏԵՂ, լրացրեք օնլայն հայտը և մոռացեք հոսանքի վարձի մասին

Գոշ Հակոբյան և Իննա Խոջամիրյան պրոդյուսերական տանդեմն ամիսներ առաջ վստահեցնում էր, որ կկարողանա նորարարություն բերել մեդիա ոլորտ: Դեռևս ամիսներ առաջ էկրաններ բարձրացավ «Հոթել Գրանդ» հեռուստանովելը՝ 2 եթերաշրջանով: Հոկտեմբերի 16-ին նրանք կներկայացնեն հեռուստանովելի նոր եթերաշրջանը, որտեղ գլխավոր հերոսներին մարմնավորելու են Նազենի Հովհաննիսյանը և Խորեն Լևոնյանը: «Հոթել Գրանդ»-ի 3-րդ եթերաշրջանի նկարահանումներն ավարտվել են դեռևս ամռանը: Նկարահանումներն անցել են Ամբերդում, Ձորաղբյուրում, որտեղ էլ ծավալվում են հիմնական գործողությունները: Նկարահանումներից մեկին ներկա է եղել Tert.am Life-ը, որին վստահվել են նախագծի առաջին մանրամասները:

«Մենք հանգեցինք այն գաղափարին, որ նախորդ պատմությունը պետք է ավարտվի, բայց չավարտվի հենց «Հոթել Գրանդ»-ը: Այս եթերաշրջանում ևս լինելու է խնդիր, պայքար, սեր, ինչն էլ դառնալու է նախագծի առանցքը: Հյուրանոցի տնօրենին նոր հող է անհրաժեշտ հյուրանոցի ընդարձակման աշխատանքների համար: Նա փորձում է գումարով լուծել խնդիրները, գնել հողը, բայց Խորեն Լևոնյանի հերոսի համար դա պարզապես հողակտոր չէ, որը կարելի է գնել գումարով: Հենց այստեղից էլ սկսվում է պատմությունն իր խնդիրներով»,- պատմել է նախագծի ռեժիսոր Գոշ Հակոբյանը:

Նազենի Հովհաննիսյան և Խորեն Լևոնյան հեռուստատեսային զույգը սիրված է հեռուստադիտողի կողմից, և տևական դադարից հետո հեռուստադիտողը նրանց նորից տեսնելու է գլխավոր հերոսների դերում:
Նախագծի պրոդյուսեր Իննա Խոջամիրյանը նշել է, որ Նազենի Հովհաննիսյանին և Խորեն Լևոնյանին նախագծում ներգրավվելը եղել է ինքնաբուխ:
«Նրանք շատ վաղուց միասին չեն եղել հեռուստաէկրաններին և վստահենք՝ զույգին հասցրել են կարոտել: Ուզում եմ շեշտել, որ նրանք աշխատել են նույն ուժով, թարմությամբ՝ լցնելով կադրն ու տեսարանը: Նախագիծը սկսելիս ունեցել ենք մտավախություններ, բայց կարծում եմ՝ հենց այդ մտավախությունների շնորհիվ է, որ այսօր ունենք «Հոթել Գրանդ 3»՝ նման անձնակազմով: Ամեն նոր եթերաշրջանի և հետագայում նոր նախագծերի մեջ նույնչափ վախ, հուզմունք, սեր, մանրակրկիտ աշխատանք ու մեծ սպասում պետք է լինի»,- մանրամասնել է Իննա Խոջամիրյանը:

Ինչպես նշեցինք նկարահանումներն ընթացել են Ձորաղբյուրում, Ամբերդում: Ձորաղբյուրում նկարահանումներն անցել են գյուղական միջավայրում՝ նաև կենդանիների մասնակցությամբ: Նկարահանող անձնակազմը մի քանի օրվա ընթացքում հասցրել է ընտելանալ պայմաններին, գյուղական միջավայրին և եղանակային պայմաններին: Նկարահանման օրը, որին ներկա է եղել նաև Tert.am Life-ը, տեսարանները եղել են գիշերը, գլխավոր դերասանների հետ հարցազրույցները՝ ևս: Գլխավոր հերոսուհուն՝ Ադելին, մարմնավորում է հաղորդավարուհի, դերասանուհի Նազենի Հովհաննիսյանը, որը մեզ հետ զրույցում նշել է՝ որքան էլ նախագծերին ընտրողաբար է մոտենում, միշտ կա վախ, չէ՞ որ թիմային աշխատանքում ամեն առանձին անդամի ներկայությունն ու աշխատանքն է որակն ապահովում.մի անձի գործ չէ:

«Ինձ միշտ հիմնավոր կերպով ոգևորում է մարդը. իհարկե երբեք չգիտես նախագիծն իր ավարտին ինչ տեսք կամ որակ կունենա, ու միշտ կա ռիսկ, որ չես հաջողի, որ չեք կարողանա, բայց Իննայի անհավանական ոգևորությունը, նպատակասլացությունը՝ մտնելու ավելի ծանր, որակապես այլ գործընթացի մեջ, երբ կարող էր հեշտորեն անել ամեն բան, նրա ընդգծված վստահությունը մեր նկատմամբ՝ ինձ համար համոզիչ էր ու թանկ: Գոշը՝ որպես երիտասարդ ռեժիսոր, ամբողջ երիտասարդ թիմը, որն անհոգնել աշխատում էր նախագծի վրա,յուրաքանչյուրի պատասխանատու և սրտացավ վերաբերմունքն իսկապես ոգևորիչ էր: Շնորհակալությունս պոստֆակտում թե՜ նկահարանման ամբողջ կազմին, և թե՜ մեր դիտողներին ու հավատացողներին՝ նախապես:Այս հեռուստաֆիլմն իր տեսակով հաստատ տարբերվելու է մեր՝ ոչ այդքան մեծ հեռուստաշուկայում ներկայումս եղող նախագծերից: Ի վերջո թեթև ժանրն էլ իր տեղն ու դերն ունի: Բայց կարելի է անել հումոր՝ առանց գռեհկանալու, խոսել պարզ լեզվով՝ առանց փողոցային խոսույթի, լինել պայմանական իրավիճակում, բայց անկեղծ»,- ասաց Նազենի Հովհաննիսյանը:

Նա նաև պատմել է իր և Խորեն Լևոնյանի համագործակցության, հեռուստատեսային զույգի և նոր կերպարի մասին:

«Խորեն Լևոնյանի հետ խաղալը միշտ է հաճույք, գերագույն հաճույք, իսկ նրա պես տաղանդավոր մարդիկ ծնվում են տասնամյակը մեկ: Նա կարողանում է ամեն նոր կերպարում նոր հրավառություն առաջացնել:Հերոսուհուս մասին խոսելիս ասեմ... իմ անձից շատ տարբեր է, բայց աշխատանքին նվիրվածությամբ՝ շատ նման: Պատրաստ է խոչընդոտները հաղթահարել՝ հանուն լավ արդյունքի ու աշխատանքի լավ որակի, բայց ոչ երբեք մարդկային ճակատագրերի հաշվին: Թվացյալ ուժի տակ թաքնված է հուզական, ապրումակցող, ու հողի գինն ու արժեքն իմացող մարդը, որը գիտի, թե սերն ու նվիրվածությունն ինչ զորեղ ուժ են: Ու վերջում, երբ Ադելը՝ հերոսուհիս, «զիջում» է իր դիրքը ի վնաս իրեն՝ իբրև մասնագետի, հաստատ անում է հանուն Մարդու և իր ունեցած արժեքային համակարգի:Հաղթում է Խորենի կերպարի՝ հողին ամուր կանգնած հայ մարդու սերը: Սերն ու իր հողին ապրելու ցանկությունը. սա է կարևորագույնը»,- նշեց դերասանուհին: 

Նկարահանման ընդմիջումների ժամանակ, երբ դերասանական անձնակազմը հանգստանում էր, Խորեն Լևոնյանը դիտում էր «Արիս»- «Արարատ- Արմենիա» ֆուտբոլային հանդիպումը և մեզ հետ զրույցում նշեց, որ տեսարանների դադարների ժամանակ հասցնում է հետևել ֆուտբոլային զարգացումներին: Այս հեռուստանովելում Խորեն Լևոնյանը մարմնավորելու է Ադամ անունով ագարակատիրոջը, որն ամուր կառչած է հողին և փորձում է պահել այդ հողը:
«Այս տեսակի առաջարկ ստացել եմ առաջին անգամ, որ ներգրավվեմ նման ժանրում, բայց ինձ համար առաջնահերթություն է կերպարի ասելիքը: Ես համաձայնել եմ մարմնավորել կերպար, որը պայքարում է իր հողի համար, իսկ այսօր ես ուզում եմ խոսել այդ թեմայից և ասել՝ հողը կարևոր է և հողի համար պետք է պայքարել: Խոսելու եմ, որ պետք չէ թողել և գնալ, պետք չէ հողն անտեր թողել, պետք է պայքարել, կռիվ տալ հողի համար, որը քոնն է և քեզ համար հարազատ է և այս դեպքում պարզապես հողակտոր չէ»,- պատմել է Խորեն Լևոնյանը:

Դերասանը նշել է, որ այդ կերպարում շատ չի հեռվացել իր մտածելակերպից և ժանրից:
«Հեռուստադիտողը տեսնելու է իմ մտքերն ու վերաբերմունքը: Մենք նաև ունենք հումորային տեսարաններ, հետաքրքիր զրույցներ, զարգացումներ, բայց ամեն բան հավասարակշռված է: Արվեստագետի գլխավոր նպատակն է անել մի բան, որը մարդու մեջ որևէ փոփոխության կհանգեցնի: Սա աշխատանք է, որը մարդիկ միայն ժամանացի համար չեն նայելու, նաև սովորելու բան կգտնեն»,- եզրափակել է դերասանը:

Լուսանկարները՝ Վերոնիկա Բադալյան

Когда вся Армения была одной командой. Никита Симонян и «Арарат-73»Ucom и Impact Hub Yerevan подвели итоги третьего этапа программы по развитию зелёного предпринимательстваIDBank представит концепцию единой экосистемы на DigiTec 2026Без 102-й базы Армении конец. Аршак КарапетянЧто будет, если выведут 102-ю базу? Аршак Карапетян Европейский курс Армении между обещаниями и обязательствами При поддержке Ucom в Ереване прошли ежегодные соревнования по гонкам дронов «Mini Whoop Drone Racing Armenia 2026»Аршака Карапетян отвечает на комментарии IDBank представил цифровую платформу Rate.Trading на выставке Toon Expo.Invest 2026Rate.Trading: Крупные сделки с цифровыми инструментами управления валютными рискамиЗакрытие карабахского вопроса ставит под угрозу само существование Армении. Аршак КарапетянФонд VIVA стал бенефициаром инициативы «Сила одного драма» в ноябреСпециальные предложения по ипотечному кредитованию: IDBank на Toon Expo. Invest 2026Ни одна власть в Армении не пришла демократическим путем․ Аршак КарапетянIDBank на региональном форуме СБА: от решений для путешествий до бизнес-возможностей Скидка 35% на указанные карты IDBank в честь 35-летия Предварительное одобрение бизнес-кредита за 5 минут — какие возмоности для МСБ представил Юнибанк в Гюмри?На основании Декларации о независимости Армения стала независимым государством. Аршак Карапетян Центр обслуживания Ucom в Арташате открылся по новому адресу Демократическим путём эту власть менять невозможно. Аршак КарапетянРодина надеется на военных. Эту власть надо наказать. Аршак КарапетянПоздравление лидера движения «Всеармянский фронт» по случаю Дня разведчикаUcom и Республиканский союз работодателей Армении подписали меморандум о сотрудничестве Оформи карту Visa Digital от Юнибанка для покупок и переводов Ucom — генеральный спонсор 21-й Международной олимпиады по микроэлектронике IDBank и Idram провели курс по финансовой грамотности для юных шахматистовUcom поддерживает Silicon Mountains 2026, содействуя развитию инноваций и технологий IDBank впервые выпустил купонные бессрочные облигацииКак были чмошниками , так и осталисьКак только я стану главой Армении, ультимативная форма обращений Азербайджана прекратится через часСейчас Армения находится в большей зависимости, чем когда-либоК сожалению, как руководитель военной разведки я мог только фиксировать эти фактыТо что Азербайджан унижает, это вина нашего политического руководстваТо что Азербайджан унижает, это вина нашего политического руководстваIDBank поддержал реконструкцию Спандарянского канала: подписана памятная табличка, посвящённая проектуIDBank и Idram представили ряд экологических инициатив на COP17Как были чмошниками, так и остались. Аршак КарапетянUcom поделилась опытом участия бизнеса в сохранении природы в Синей зоне COP17«Вот скриншот, деньги переведены»: IDBank предупреждает о мошенничестве с поддельными платежамиКак конфликт подводит биоразнообразие к критической чертеПервые шаги в карьере вместе с IDBank: стартовал 16-й поток программы IDreamЦифровая архитектура устойчивого будущего: статья IDBank в журнале Regional PostКак вы думаете, где будет Армения?Нам ещё долго придется стоять в очереди, чтобы вступить в ЕСRate.Trading. Новая цифровая культура обмена валюты Цифровое будущее и устойчивое развитие: председатель правления IDBank в интервью ForbesНа COP17 представили книгу «Тайная тропа Овазадзора», изданную при поддержке Ucom Ucom раскрыла роль технологий в сохранении природы на COP17Следующие два месяца могут стать судьбоносными для Армении. Аршак Карапетян«Житель Степанавана своим голосом покажет, что все попытки обмануть его с помощью видеозаписей обречены на провал»: партия «Сильная Армения»