Պատգամավորն իր պարգևավճարը տրամադրել է բռնի տեղահանված արցախցի երկու ընտանիքի
ПОЛИТИКАԳաղտնիք չէ, որ հայաստանյան իշխանություներն Արցախի հետ տեղի ունեցած ողբերգության ֆոնին տարբեր կառույցներում պարբերաբար պարգևավճարներ են բաժանում: Նախօրեին ԱԺ «Պատիվ ունեմ» խմբակցությունը հայտարարել էր, որ իրենց ստացած գումարն ուղղելու են Հայաստան բռնի տեղահանված արցախցիների կարիքներին: «Փաստ» թերթի հարցմանն ի պատասխան՝ «Պատիվ ունեմ» խմբակցության քարտուղար Տիգրան Աբրահամյանը նշեց, որ արցախցիների՝ Հայաստան բռնի տեղափոխությունից անմիջապես հետո էլ փորձել է տարբեր հարցերով աջակցել արցախցիներին,այս քայլը ևս արցախցիներին սատարման հերթական առիթն է: Վերջինս նշեց, որ կոռեկտ չի համարում հանրայնացնել կոնկրետ մարդկանց, որոնց աջակցել է, միայն նշեց, որ պարգևավճարի գումարն ուղղել է Արցախից Հայաստան բռնի տեղահանված 2 ընտանիքի, որոնք առողջական բնույթի ծանր խնդիրներ ունեին: