Վարչապետի աշխատակազմի ծառայողական մեքենաների թիվը կրճատվել է` 70-ից դարձել է 40. աշխատակազմի ղեկավարի տեղակալ
ПОЛИТИКАՍեղմեք ԱՅՍՏԵՂ, լրացրեք օնլայն հայտը և մոռացեք հոսանքի վարձի մասին
Վարչապետի աշխատակազմի ընդհանուր բյուջեի համար նախատեսված է 24․5 միլիարդ, դա իր մեջ ներառում է ինչպես վարչապետի աշխատակազմի սպասարկման ծախսերը, այնպես էլ մի շարք մարմինների ծախսերը, որոնք ևս նախատեսվում է վարչապետի աշխատակազմի բյուջեով։
Այս մաիսն ԱԺ-ում լրագրողների հետ ճեպազրույցում ասաց վարչապետի աշխատակազմի ղեկավարի տեղակալ Արմենակ Խաչատրյանը։
«Ինչ վերաբերում է ծառայողական ավտոմեքենաների կրճատմանը, դա կառավարության ստանձնած հանձնառությունն է ու այդ հանձնառությունը հստակ, քայլ առ քայլ առաջ է գնում»,- ասաց նա։
Արմենակ Խաչատրյանը նշեց, որ վարչապետի ծառայողական ավտոմեքենաների թվաքանակը կրճատվել է։
«Հիմա կոնկրետ թիվը հստակ չեմ հիշի, բայց անցած տարի 70 կամ մի քիչ ավելի մեքենաներից հիմա 40 մեքենա է վարչապետի աշխատակազմում։ Այդ 40 մեքենաների մեջ ծառայողական մեքենաներ չեն միայն, այնտեղ կան ավտոբուսներ, հատուկ տրանսպորտային միջոցներ և այլն։ Բուն ծառայողական ավոտոմեքենաները, այնպիսին, ինչպիսին դուք եք հասկանում, վարչապետի աշխատակազմի բալանսում վարչապետին, փոխվարչպատերին, աշխատակազմի ղեկավարին սպասարկող մեքենաներն են»,- ասաց Արմենակ Խաչատրյանը։
Աղբյուր ArmSport.am