Հանրությանը երբևէ հետաքրքրե՞լ է, թե ինչ դասագրքերով են տարիներ շարունակ դպրոցներում սովորել․ ԿԳՄՍ նախարար
ПОЛИТИКАՍեղմեք ԱՅՍՏԵՂ, լրացրեք օնլայն հայտը և մոռացեք հոսանքի վարձի մասին
Ոչ միայն պատմության դասագիրքը, այլ մնացած բոլոր դասագրքերը դպրոցներ են մտել առաջին տարին, ու ըստ էության այս տարին մեզ համար այդ դասագրքերի փորձարկման տարի է։
Այս մասին լրագրողների հետ ճեպազրույցի ժամանակ ասաց ԿԳՄՍ նախարար Ժաննա Անդրեասյանը՝ անդրադառնալով դպրոցական դասագրքերի հետ կապված քննարկումներին և քննադատություններին։
«Այս ընթացքում ուսուցիչները, աշակերտները կօգտագործեն, պարզ կդառնա, թե որոնք են այն բարելավումները, որոնց կարիքը կա, և դրանք կարվեն։
Մենք պետք է հստակ տարբերակենք՝ բոլոր նոր դասագրքերի բովանդակային, տեխնիկական վերանայումների պահանջը, որը մասնագիտորեն կձևակերպի այն թիրախավորած արշավը, որ կա։
Այս երկուսը, երբ խառնում ենք իրար, ոչ մի լավ բան չի ստացվում, նախարարությունը չի խառնում դա»,- ասաց նախարարը։
Վերջինս նշեց, որ հաշվի կառնեն դասագրքերի բոլոր տեխնիկական ու բովանդակային դիտարկումները։
«Հարգելի հանրություն, Ձեզ երբևէ հետարքրքե՞լ է, թե ինչ դասագրքերով են տարիներ շարունակ դպրոցներում սովորել։
Գիտե՞ք, որ 2019 թվականին գործող դասագրքերի ուսումանասիրություն է եղել ու մենակ մի դասագրքից մի քանի հարյուր բովանդակային ու անճշտություն է դուրս բերվել։ Խնդիրն այն է, որ մեզանում որակյալ դասագիրք գրելու խնդիր կա»,- ասաց նա։
Ժաննա Անդրեասյանը ընդգծեց, որ նախարարությունը այժմ գնում է մի ճանապարհով, որով շանս են ստանում ունենալ նոր և որակյալ դասագրքեր, որից բոլորը բավարարված կլինեն։