ՊԱՏՄՈՒԹՅԱՆ ԱՅՍ ՕՐԸ (7 ԴԵԿՏԵՄԲԵՐԻ). Սպիտակի ավերիչ երկրաշարժի օր. «Փաստ»

«Փաստ» օրաթերթը գրում է.

ՏՈՆԵՐ ԵՎ ՀԻՇԱՐԺԱՆ ՕՐԵՐ

Քաղաքացիական ավիացիայի միջազգային օր, ԱՄՆ՝ Պյորլ-Հարբորի հարձակման հիշատակի օր, Ուկրաինա՝ Տեղական ինքնակառավարման օր, Հայաստան՝ Երկրաշարժի զոհերի հիշատակի և աղետներին դիմակայունության օր:

ՀԱՅ-ՀԱՅԱՍՏԱՆ

1845 – վախճանվել է Ֆրանսիայի կայսր Նապոլեոն Բոնապարտի՝ ազգությամբ հայ թիկնապահ Ռուստամ Ռազան։

1919-հայ-ադրբեջանական պատերազմի ընթացքում Զանգեզուրում գրավվել է վերջին ադրբեջանաբնակ գյուղը՝ Աջաբաջը, իսկ ադրբեջանցիները փախել են Նախիջևան և Արաքս գետի հովիտներ:

1925 - ծնվել է թարգմանիչ Ռաֆայել Ավագյանը:

1971– ծնվել է ճանաչված շախմատիստ, գրոսմայստեր Վլադիմիր Հակոբյանը։

1988– Հայաստանի տարածքում տեղի է ունեցել Սպիտակի ավերիչ երկրաշարժը, զոհվել է ավելի քան 25 000 մարդ, մոտ 31 000-ը վիրավորվել են, անօթևան է մնացել ավելի քան կես միլիոն մարդ։

1992-Ղարաբաղյան առաջին պատերազմի ժամանակ Մարտունու ուղղությամբ ընթացող մարտերում խփվել են ադրբեջանական Ми-24 մարտական ուղղաթիռ և Су-25 կործանիչ ինքնաթիռ:

2012- կառավարության որոշմամբ Լոռու մարզում 1988 թվականի երկրաշարժից տուժած 311 ընտանիքի մեկ սենյականոց բնակարան գնելու համար տրամադրվել է 3-ական միլիոն դրամ:

2018-վերաքննիչ դատարանը հրապարակել է որոշում, համաձայն որի, սահմանադրական կարգի տապալման մեջ մեղադրվող երկրորդ նախագահ Ռոբերտ Քոչարյանը պետք է կրկին կալանավորվի:

2020-Գյումրու կենտրոնական փողոցները, Նիկոլ Փաշինյանի այցի կապակցությամբ, անվտանգության նկատառումներով փակվել են։ Նա ծաղկեպսակ է դրել Սուրբ Ամենափրկիչ եկեղեցու մոտ: Շիրակի թեմի առաջնորդ Միքայել արքեպիսկոպոս Աջապահյանը հրաժարվել է նրա ներկայությամբ հոգեհանգստի կարգ մատուցել։

2021-Ազգային ժողովում իշխող խմբակցության պատգամավորները փոխնախագահ Ռուբեն Ռուբինյանի աշխատասենյակում մի քանի հոգով ծեծի են ենթարկել ընդդիմադիր պատգամավորների երեք օգնականի:

ԱՇԽԱՐՀ

մ.թ.ա. 43- վախճանվել է հին հռոմեացի քաղաքական գործիչ և փիլիսոփա Մարկոս Տուլլի Ցիցերոնը:

903 -ծնվել է պարսիկ աստղագետ և մաթեմատիկոս Աբդուռահման աս Սուֆին:

1598– ծնվել է իտալացի նշանավոր քանդակագործ և ճարտարապետ Լորենցո Բերնինին:

1678 -Լուի Էնպենը դարձել է Նիագարա ջրվեժը հայտնագործած առաջին եվրոպացին:

1732 -Լոնդոնում բացվել է թագավորական Կովենտ-Գարդեն թատրոնը:

1787– Դելավերը դարձել է ԱՄՆ-ի առաջին նահանգը։

1805 - ծնվել է շվեյցարացի իլ յուզիոնիստ Ժան Էժեն Ռոբեր-Ուդենը՝ «ժամանակակից կախարդության հայրը»:

1810 -ծնվել է գերմանացի հիստոլոգ և ֆիզիոլոգ Թեոդոր Շվանին՝ կենդանի օրգանիզմների կառուցվածքի բջջային տեսության հիմնադիրը:

1878-ծնվել է ճապոնացի գրող, բանաստեղծուհի, ֆեմինիստուհի և պացիֆիստուհի Ակիկո Յոսանոն:

1890 -ծնվել է ռուս վիրաբույժ- գիտնական Ալեքսանդր Բակուլևը՝ խորհրդային սիրտանոթային վիրաբուժության հիմնադիրներից մեկը:

1894 -վախճանվել է ֆրանսիացի դիվանագետ և ինժեներ Ֆերդինանդ դե Լեսսեպսը՝ Սուեզի ջրանցքի նախագծողը և կառուցման ղեկավարը:

1928– ծնվել է ամերիկացի լեզվաբան, փիլիսոփա, քաղաքական ակտիվիստ Նոամ Չոմսկին:

1941– Երկրորդ համաշխարհային պատերազմի ժամանակ Ճապոնիան անսպասելի հարձակվել է Օահու կղզու վրա գտնվող Պյորլ-Հարբոր ամերիկյան ռազմաբազայի վրա. այս դեպքերի հիման վրա նկարահանվել է ֆիլմ։

1943– ընդունվել է Լիբանանի դրոշը։

1944– Չիկագոյում ստորագրվել է միջազգային քաղաքացիական ավիացիայի մասին պայմանագիր։

1972- իրականացվել է «Ապոլլոն-17» տիեզերանավի թռիչքը, որը «Ապոլլոն» ծրագրի շրջանակներում իրականացրել է վերջին վայրէջքը Լուսնի վրա:

1975 -Ինդոնեզիան ներխուժել է Արևել յան Թիմոր:

1982 -Տեխասում (ԱՄՆ) առաջին անգամ իրականացվել է մահապատիժ ներարկման միջոցով:

1991 -Ռուսաստանի Սանկտ Պետերբուրգում ստեղծվել է Պետրովյան գիտությունների և արվեստների ակադեմիան:

Մանրամասները՝ «Փաստ» օրաթերթի այսօրվա համարում