Covid-19-ի գործով հարցաքննվել եմ, հստակ օրը չեմ հիշի․ Անահիտ Ավանեսյան
ПОЛИТИКАՍեղմեք ԱՅՍՏԵՂ, լրացրեք օնլայն հայտը և մոռացեք հոսանքի վարձի մասին
Covid-19-ի գործով հրավիրել են հարցաքննության, հարցաքննվել եմ։
Այս մասին մամուլի ասուլիսի ժամանակ ասաց Առողջապահության նախարար Անահիտ Ավանեսյանը։
«Դեկտեմբերի ընթացքում էր կամ նոյեմբերի վերջին։ Բայց հստակ օրը չեմ հիշի»,– նշեց Ավանեսյանը:
Հարցին` արդյոք ինքը որևէ բուժհաստատության հետ փոխկապակցված է, Ավանեսյանը պատասխանեց․
«Որևէ բժշկական կենտրոնի հետ փոխկապակցվածություն կամ բաժնեմաս ես և իմ ընտանիքը չունենք, մայրս ևս իմ ընտանիքի անդամ է և մտնում է այդ շրջանակի մեջ՝ մայրս, քույրս, ամուսինս, երեխաներս։ Մինչև չապացուցեք հակառակը` անընդհատ մի կրկնեք նույն սուտը»,– ասաց նախարարը։
Հիշեցնենք, որ Covid-19-ի շրջանի հետ կապված չարաշահումների վերաբերյալ գործով Երևանի փոխքաղաքապետ Գևորգ Սիմոնյանն ու «Մեդլայն» բժշկական կլինիկայի տնօրեն Բաբկեն Շահումյանը կալանավորվել էին, իսկ ԱՆ «Թոքաբանության ազգային կենտրոն» ՓԲԸ–ի դեղակայուն բաժանմունքի վարիչ Լ. Ե.-ն ու ևս 8 անձինք` ձերբակալվել։