Ինչպես է ալկոհոլը ազդում օրգանիզմի վրա և ինչպես նվազեցնել դրա բացասական հետևանքները

Ալկոհոլը ավելի վտանգավոր է, քան հերոինը, կոկաինը, մետաֆենտամինը, ծխախոտը և մի շարք այլ թմրամիջոցներ: Այսպիսի եզրակացության է եկել հոգեբույժ և ֆարմոկոլոգ Դեվիդ Նատտանը, ով իր կյանքի մեծ մասը նվիրել է թմրանյութերի ուսումնասիրությանը և դրա ազդեցությանը օրգանիզմի վրա:

Գլխավոր պատճառներից մեկը այն է, որ ալկոհոլը հասանելի է, հիմնականում օրինական և էժան: Հենց այդ պատճառով այն ավելի շատ են օգտագործում մարդիկ, ինչի արդյունքում ազդեցությունը (օգտագործման ծավալի և ազդեցության համամասնության պարագայում) թերագնահատվում է:

Ամերիկյան վիճակագրության ինստիտուտի տվյալով, 18-ից բարձր անձանց շրջանում 87 տոկոսը օգտագործում է ալկոհոլ, 71 տոկոսը այն օգտագործել է ընթացիկ տարում, 56 տոկոսը վերջին ամսվա ընթացքում:

Դեվիդ Նատտանի կարծիքով, թմրանյութերի ազդեցությանը ավելի մեծ ուշադրություն կա, քան ալկոհոլի նկատմամբ, դա է պատճառը, որ մարդիկ ալկոհոլի օգտագործման վնասների մասին նույնքան պատկերացում չունեն: Նա հասարակ օրինակ է բերում.

«Մենք գրեթե ամեն օր թերթերում, ինտերնետում կարդում կամ հեռուստատեսությամբ դիտում ենք ռեպորտաժներ, թե ինչպես է թմրանյութի ազդեցության տակ որևէ մեկը հանցագործություն կատարել, սակայն թե որքան շատ են ալկոհոլի ազդեցությամբ կատարված հանցագործությունները մենք չգիտենք և դրա պատճառը շատ պարզ է, քանի որ թմրանյութերը պետությունների մեծ մասում արգելված են և դա կարծես կրկնակի հանցագործություն է դառնում և գրավում է լրատվամիջոցների ուշադրությունը, իսկ ալկոհոլի դեպքում դա դիտարկվում է որպես երկրորդական երևույթ, քանի որ ալկոհոլը արգելված չէ և նույնիսկ գովազդվում է»,-բացատրում է Դեվիդ Նատտանը:

Ինչպես է ալկոհոլը ազդում մարդու օրգանիզմի վրա

Խմած ալկոհոլի մոտ 20 տոկոսը ներծծում է ստամոքսը, մնացյալ 80 տոկոսը գնում է բարակ աղիներ, այնուհետև անցնում է արյուն ու շրջապտույտ կատարում ամբողջ օրգանիզմով: Այն ինչ չի մարսում ստամոքսը ու օրգանիզմից չի հեռանում բարակ աղիների միջոցով սկսում է «մշակել» լյարդը: Հենց այդ պատճառով էլ լյարդը ամենից շատ վնասն է կրում և առաջին հարվածը ստանում: 

ԼՅԱՐԴ

1. Ալկոհոլը օրգանիզմից դուրս բերելու գործում լյարդը ամենամեծ դերակատարությունն ունի ու այդ ընթացքում չի բացառվում, որ վնասվեն լյարդի բջիջները, ինչի արդյունքում էլ առաջանում են բորբոքումներն ու հետագա բարդություններ
2. Ալկոհոլում պարունակվող տոկսինները հաճախ վնասում են աղիները, ինչի հետևանքով արդեն աղիներից բակտերիաները տեղափոխվում են լյարդ ու սկսվում է բորբոքային պրոցես

ՈՒՂԵՂ

Խոսելու դժվարություն, հավասարակշռությունը պահելու խնդիրներ, հիշողության կորուստ: Սրանք բոլորը արբեցման նշաններ են: Արբեցման արդյունքում դանդաղում են ուղեղի ռեֆլեկտորները, թուլանում է մարդու ռեակցիան:

Սա նեյրոմեդիատորների աշխատանքի շեղում է, երբ ուղեղը համապատասխան իմպուլսներ չի կարողանում ուղարկել մկաններին: Պարբերական ու չափից շատ ալկոհոլ օգտագործելու դեպքում նեյրոմեդիատորները հետզհետե թուլանում են, կորցնում են իրենց իմպուլսներ ուղարկելու արագությունը և արդյունքում դուք կարծես անընդհատ արբած լինեք: հնարավոր են հիշողության երկարաժամկետ ու կայծակնային կորուստներ, ուղեղի աշխատանքի արդյունավետության անկում և ռեակցիայի թուլացում:

Ինչպես նվազեցնել ալկոհոլի բացասական ազդեցությունը

1.    Շատ ջուր խմեք: Ալկոհոլը դուրս է հանում հեղուկը օրգանիզմից, միաժամանակ նաև ինքնաչեզոքացվում է
2.    Շատ կերեք: Երբ ստամոքսը լիքն է աբսորբացիայի գործընթացը ավելի դանդաղ է ընթանում և ժամանակ է տալիս օրգանիզմին, որպեսզի   այն հետզհետե դուրս հանի ալկոհոլը օրգանիզմից
3.    Մի խմեք գազավորված ըմպելիքներ, այն նպաստում է ալկոհոլի ազդեցության արագացման պրոցեսին
4.    Մի խառնեք տարբեր խմիչքներ առնվազն մեկ ժամա կտրվածքում