Կյանքում գլխավորը սերն է

Wnews.am-ը գրում է.

Երբ հարաբերությունները չեն դասավորում եւ երջանկությունն այդպես էլ չի թակում ձեր դուռը, մի վախեցեք ամեն ինչ քանդել ու նորից սկսել։ Մի սպասեք, որ երբեւէ ինչ որ մեկը դա կանի ձեր փոխարեն։ Եթե հասկանում եք, որ այդ հարաբերությունները  ձեզ չեն երջանկացնում եւ ապագայում էլ չեն երջանկացնի, առանց հետ նայելու հեռացեք։

Հնարավոր է, դա սեփական կյանքը փոխելու միակ միջոցն է եւ այդպիսով վերջապես ձեռք կբերեք երկար սպասված երջանկությունն ու սերը։
Մենք հանդիպում, շփվում, սակայն այդպես էլ չենք ստեղծում լուրջ հարաբերություններ, որովհետեւ վախենում ենք սխալներ գործելուց, վախենում ենք սխալ ընտրություն անելուց, կասկածում ենք ընտրյալի կամ ինքներս մեզ վրա եւ շարունակում սպասել «արքայազնի» կամ «արքայադստեր» հետ հանդիպմանը։

Անգամ հարաբերության մեջ մտնելով, որոշ ժամանակ անց հասկանում ենք, որ ոչ սեր, ոչ էլ երջանկություն այդպես էլ չեկավ, սակայն առաջացավ մի բան, որը դժվար է քանդել։ Այդպիսով ստեղծվում է երկուսի մենությունը։ Երկուսն ապրում են միասին, անգամ դաստիարակում երեխաներին, սակայն նրանց միջեւ միայն դատարկություն ու անհուսալիություն է։
Մի շարք հանգամանքներից դրդված, նրանք այդպես էլ չեն համարձակվում քայդել իրենց անհուսալի դժբախտ միությունը եւ շարունակում են ստանձնել «երջանիկ» զույգի դերը։
Բայց չէ՞ որ դա ձեր կյանքն է եւ արդյո՞ք իմաստ կա ստի մեջ ապրել։
Ամեն ինչ նույն ձեւ թողելով, դուք զրկվում եք երջանիկ լինելու հնարավորությունից։ Սա չի նշանակում, որ պետք է նստել ու սպասել, թե երբ կգա սերը, այն պետք է փնտրել։ Մի վախեցեք հարաբերություններ հաստատել։ Ոչ ոք սխալներից ապահովագրված չէ՝ հատկապես, երբ մեծ փորձ չունի։ Մեր կյանքը կազմված է հանդիպումներից ու բաժանություններից, ինչը նշանակում է, որ պետք չէ վախենալ մենությունից։ Ձեռք բերված փորձը ձեզ թույլ կտա ստեղծել նոր հարաբերություններ՝ հաշվի առնելով նախորդ սխալները։
Կյանքը բաղկացած է սխալներից, իսկ դրանք փոխելու հնարավորությունները  բերում են սեր եւ երջանկություն։

Միշտ հիշեք, որ եթե հարաբերություններն ավարտվել են, նշանակում է, որ ի սկզբանե ինչ-որ բան այն չէր։ Անիմաստ է փնտրել մեղավորներին կամ զբաղվել ինքնաքննադատությամբ։ Եթե կարողայիք ինչ-որ բաբ փոխել, ապա կփոխեիք։

Իսկ նոր հարաբերություններում չեք անի նախկին սխալներն ու կստեղծեք իսկական երջանիկ ընտանիք, չէ որ կյանքում ամենակարեւորը սերն է։