Լեւոն Քոչարյանը չի բացառում, որ իրեն նորից կկալանավորեն
ПОЛИТИКАՍեղմեք ԱՅՍՏԵՂ, լրացրեք օնլայն հայտը և մոռացեք հոսանքի վարձի մասին
«Հայաստան» խմբակցության պատգամավոր Լևոն Քոչարյանի համար անհասկանալի է, թե ինչու են երեկ իրեն ու ընկերոջը` Սերգեյ Ասատուրովին նորից կանչել Քննչական կոմիտե ու մեղադրանք առաջադրել վերջինիս։
«Որոշ մասով մեղադրանքի նկարագրության փոփոխություն եղավ, դա արեցին, ծանոթացրեցին, նորից հարցաքննություն արեցին, գործը փակեցին ու ուղարկեցին դատարան», - ԱԺ-ում լրագրողների հետ զրույցում ասաց Քոչարյանը:
Քոչարյանն աբսուրդ է որակում տեղի ունեցածը․
«Հայաստանի հարկատուները գումար են վճարում դատախազներին, քննիչներին, որ այսպիսի աբսուրդով զբաղվեն, ուղղակի ծիծաղելի է», - ասաց Լևոն Քոչարյանը: Նա նշեց, որ ոստիկանները կեղծ ցուցմունք են տվել, թե, իբր, ինքը ծեծել է ոստիկաններին:
Սերգեյ Ասատուրովին առաջադրվել է նույն մեղադրանքը, ինչ Քոչարյանին:
«Իմ վրա գոնե կեղծ ցուցմունք կա, իր վրա դա էլ չկա, աբսուրդ է», - ընդգծեց Լևոն Քոչարյանը: Քոչարյանը չի բացառում,որ քաղաքական նկաառումներով իրեն նորից կկալանավորեն․ «Իսկ իրավական առումով աբսուրդ է, որ նման բան լինի»: