Ռուսաստանն իր այս վերջնագրով սարսափելի կերպով պատժելու է հայերին. չզարմանաք, որ Հայաստանը նվիրի Թուրքիային ու Ադրբեջանին

Ինչպես արդեն տեղեկացրել էինք, ՀՀ և ՌԴ արտգործնախարարները Լավրովի նախաձեռնությամբ գերծանր հեռախոսազրույց են ունեցել, որի ընթացքում վերջինս ուղիղ հարցեր է առաջադրել և հստակ պատասխաններ պահանջել:

Քաղաքագետ Գագիկ Համբարյանի խոսքով՝  Լավրովի հետ հեռախոսազրույցը սպասելի էր.

«Ռուսական կողմը չի էլ թաքցնում, որ հենց իր նախաձեռնությամբ է տեղի ունեցել արտգործնախարարների հեռախոսազրույցը: Այստեղ խնդիրն այն է, որ կապիտուլացված Հայաստանը չի կարող իրեն շռայլություն թույլ տալ և այսպիսի ցինիկ և լկտի վարքագիծ դրսևորել Ռուսաստանի հետ: Նիկոլը կարող է իրեն երկրպագող նիկոլականներին ստիպել ինքնախաբեությամբ զբաղվել, որ Հայաստանն անկախ, ինքնիշխան երկիր է, որը կարող է ինքնուրույն որոշել իր ապագան: Այո, Հայաստանն անկախ և ինքնիշխան պետություն էր՝ ընդհուպ մինչև 2020 թվականի նոյեմբերի 9-ը, երբ կարող էր «ոչ» ասել շատ-շատ երկրների, այդ թվում՝ գերտերությունների: Նիկոլի շնորհիվ, ով դիտավորյալ սանձազերծեց 44-օրյա պատերազմը, որպեսզի Հայաստանը տանի խայտառակ պարտության, Ռուսաստանին տարածաշրջանից դուրս հանելու գործընթացը մտել է վերջնական փուլ: Եվ ռուսները, շատ լավ հասկանալով այս ամենը, փորձում են հայկական կողմին թույլ չտալ մանևրելու, երկու աթոռին նստելու քաղաքականություն վարելու, քանի որ Հայաստանն այս պահին ինքն իրենից կապիտուլացված և թուրքերի կողմից նվաստացված երկիր է ներկայացնում»,- 1or.am-ի հետ զրույցում նշեց Համբարյանը:

Համբարյանի պնդմամբ՝ հիմա ռուսները կոնկրետ վերջնագիր են ներկայացնում Հայաստանի Հանրապետությանը, որպեսզի վերջիններս կողմնորոշվեն՝ որ ուղղությամբ են ընթանում.

«Այստեղ խնդիրը նաև մենք ենք սխալ դնում: Եվրամիությունը տնտեսական խմբավորում է, որտեղ մեզ ոչ ոք չի սպասում: Հայաստանի վարչապետի պաշտոնն զբաղեցնող կապիտուլյանտը , ենթադրում եմ, շատ լավ հասկանում է, որ մեզ Եվրամիությունում ոչ ոք չի ընդունելու: Որովհետև Հայաստանը ո՛չ համապատասխան մակարդակի և որակի արտադրանք ունի, ո՛չ արդյունաբերություն, ո՛չ  գյուղատնտեսություն: Հարց է առաջանում՝ Հայաստանն իրենից ի՞նչ է ներկայացնում, որ դառնա Եվրամիության անդամ: Ասենք՝ անդամակցության հայտը բավարարեցին. Թուրքիան, որն ունի 100 միլիոնանոց շուկա և  համարվում է աշխարհի խոշորագույն գյուղատնտեսական և արդյունաբերական երկրներից մեկը, 30 տարի սպասում է Եվրամիության անդամ դառնալու: Եվրամիությունը Թուրքիային չի ընդունում, Հայաստանի՞ն պետք է ընդունի: Հայաստանը երբեք Եվրամիության անդամ չի դառնա, որովհետև Եվրամիությանը մենք պետք չենք:

Այ, որ Ռուսաստանն իր այս վերջնագրով սարսափելի կերպով պատժելու է հայերին, փաստ է: Եթե Նիկոլը համարձակվեց հակառուսական իր հռետորաբանությանը նաև միս ու արյուն տալ և կյանքի կոչել իր տգետ սպառնալիքները, ապա բացարձակ չզարմանաք, որ Ռուսաստանն ուղղակիորեն Հայաստանը նվիրի Թուրիքային ու Ադրբեջանին: Առանց այն էլ, Ռուսաստանի համար Հայաստանի գոծող իշխանությունները մեծ խնդիր են ներկայացնում, քանի որ Ուկրաինայի հետ տեղի ունեցող գործողությունների համատեքստում ռուսներին պետք չէ երկրորդ ճակատ, և Թուրքիայի կողմից դրա ստեղծման պարագայում ռուսները մեզ ուղղակի նվիրելու են թուրքերին»:

Աննա Սարգսյան

Առավել մանրամասն` այստեղ. https://t.me/arm24live