Յուրօրինակ և գեղեցիկ շատրվանները(լուսանկարներ)

Այս շատրվաններն արդեն վաղուց է, ինչ  հանդիսանում են քաղաքների այցեքարտերը, գլխավոր տեսարժան վայրերն ու խորհրդանիշերը: Եթե նախկինում այցեքարտ էին դառնում ամենագեղեցիկ շատրվանները, որոնք հիմնականում ունենում էին պատմական ակնարկ և ստեղծման պատմական հիմք, այսօր արդեն շեշտը դրվում է ամենակրեատիվ, ստեղծագործական մտքի ամենավառ դրսևորում և յուրօրինակ տեխնոլոգիա ունեցող շատրվանների վրա:

Դրանցից են.

Արքայախնձոր շատրվանը, Չարլզթոն, Հարավային Կարոլինա, ԱՄՆ

Ամերիկյան Չարլզթոն քաղաքում հյուրընկալություն խորհրդանշող Արքայախնձոր շատրվանը դասվում է նոր ժամանակների ոչ ստանդարտ շատրվանների թվին` իր ճարտարապետական գծի շնորհիվ:

Հարստության շատրվանը Սանտեկ քաղաքում, Սինգապուր

Աշխարհի ամենամեծ շատրվաններից մեկը, ասում են, հաջողություն և բարեկեցություն է խորհրդանշում նրանց համար, ովքեր կդիպչեն ներքև հոսացող շատրվանին: Այս շատրվանը Սինգապուրում դարձել է տեղացիների համար սիրո խոստովության և ամուսնության առաջարկի ամենահետաքրքիր վայրերից մեկը:

Սվարովսկի շատրվան, Վատենս, Ավստրիա

Սվարովսկի բյուրեղների արտադրման 100-ամյակի առթիվ ավստրիական Վատենս փոքր քաղաքում կանգնեցվել է նման հետաքրքիր և հսկա շատրվան` զարդարված Սվարովսկի բյուրեղներով:

Բելաջիո շատրվան, Լաս Վեգաս, ԱՄՆ

Բազմաթիվ կինոնկարների հարթակներում հայտնված այս շատրվանն արդեն վաղուց է, ինչ հանդիսանում է Լաս Վեգասի այցեքարտը: Շատրվանների այս համալիրի յուրաքանչյուր շարժում յուրօրինակ է իր տեսակի մեջ, ուղեկցվում է երաժշտական նվագակցությամբ` հանրահայտ դասական և Բրոդվեյի մեղեդիների ներքո:

«Բաքինգամ շատրվան», Չիկագո, ԱՄՆ

Աշխարհի ամենագեղեցիկ և գունային շատրվաններից մեկն է, որը հատկապես դիտարժան է գիշերային լույսերի ներքո:

Ժամանակակից գունեղ շատրվան Փարիզում

1983թ. կանգնեցված ժամանակակից շատրվանը Փարիզի նոր ժամանակների այցեքարտն է` իր գունեղ և շարժական արձանիկների շնորհիվ:

Հանրահայտ Տրևին Հռոմում

Հաջողության, սիրո և հավերժական քաղաք վերադառնալու հույսը խորհրդանշող Տրևի շատրվանը Հռոմի ամենագեղեցիկ և ամենասիրված տեսարժան վայրերից մեկն է: Այն օրական ունենում է հազարավոր այցելուներ, ովքեր մետաղադրամներ են նետում հավերժական Հռոմ վերադառնալու ակնկալիքով:

Վերսալի պալատի շատրվանը, Ֆրանսիա

Պատմական Վերսալի գեղեցիկ և ոչ պակաս պատմական շատրվանը չէր կարող չհայտնվել ամենագեղեցիկ և հետաքրքիր շատրվանների աղյուսակում` հաշվի առնելով վերջինիս եռաստիճան կառուցվածքը, ճարտարապետական լուծումներն ու շքեղ արձանիկների կազմը:

Բարսելոնի Պարող շատրվանները

Ժամանակակից Բարսելոնի այցեքարտը դարձած Պարող շատրվանները պետք է դիտարկել որպես շատրվանների համալիր, որը սկսվում է Իսպանիայի հրապարակից և ձգվում մինչև Մոնջուիկ լեռը: Շատրվանը հայտնվել է ամենաների թվում իր գունեղ շոուի շնորհիվ:

Ավանգարդ շատրվան Չիկագոյում

21-րդ դարի ամենահետաքրքիր շատրվաններից մեկը տեղ է գտել Միացյալ Նահանգների ամենագեղեցիկ քաղաքներից մեկում` Չիկագոյում: Քրաուն շատրվանի վրա պատկերվում  են Չիկագոյի 1000 բնակիչների դեմքերից օրինակներ` ստեղծելով պատրանք, թե ջուրը հոսում է քաղաքացիների բերանից:

Ուոլթ Դիսնեի շատրվանը

Ազգերի շատրվան. այսպես է կոչվում է մեծ ծավալի պարող շատրվանը, որը գտնվում է Ուոլթ Դիսնեի աշխարհում և իրենից ներկայացնում է պարող շատրվանի մի ամբողջական համալիր` Դիսնեի մուլտֆիլմերի հայտնի երաժշտությունների ուրախ նվագակցությամբ:

Պետերգոֆի Գրանդ կասկադ շատրվանը

Թերևս ամենաշքեղ պատմական շատրվանը, որը չի կորցնում իր գեղեցկությունը, կարևորությունը և շքեղությունը ներկայիս ժամանակներում և պահպանում է ամենագեղեցիկ շատրվաններից մեկի պատվավոր տիտղոսը տարիներ շարունակ: Սանկտ Պետերբուրգի Պետերգոֆի շատրվանը կազմված է 200 արձաններից և իրենց ներկայացնում է 64 շքեղ շատրվանների մի ամբողջական համալիր:

Բուրջ Խալիֆայի շատրվանը, Դուբայ

Գրեթե 1500 առանձին շատրվաններից կազմված շքեղ և հսկայական շատրվանը հատկապես գեղեցիկ է երաժշտական նվագակցությամբ և լույսերի համադրմամբ:

Սանդերլենդի շատրվանը, Մեծ Բրիտանիա

Հին հունական դիցաբանության հետքերով կառուցված այս շատրվանը համարվում է ամենայուրօրինակ շատրվաններից մեկը Մեծ Բրիտանիայում և ամբողջ աշխարհում: Հունական դիցաբանության համաձայն` “Charybdis”-ը ջրային նիմֆ էր, որը պատժվել էր Զևսի կողմից և վերածվել ջրային պտտահողմի: Հենց այս պատմությունն էլ հիմք է հանդիսացել այս յուրօրինակ շատրվանի կառուցման համար:

Վայլանկորտ շատրվանը, Սան Ֆրանցիսկո

Երկար ժամանակ հակասական համարվող այս շատրվանը նույնիսկ առաջարկում էին ապամոնտաժել, սակայն մինչ օրս այն հանդիսանում է մոդեռնիստական ոճի  ջատագովների և ճարտարապետական դիմագծի բացակայության քննադատների կռվախնձորը:

Լողացող շատրվանները, Օսակա, Ճապոնիա

Նման յուրօրինակ, արտառոց տեսք ունեն Օսակայի հանրահայտ շատրվանները:

Տիվոլի շատրվաններ, Իտալիա

Կանաչապատ տարածքում քողարկված այս գեղեցիկ շատրվանը Իտալիայի հերթական այցեքարտերից և հայտնի տեսարժան վայրերից մեկն է:

Ազգերի ընկերության շատրվանը, Մոսկվա, Ռուսաստան

Սա էլ արդեն Մոսկվայի այցեքարտերից մեկն է, որն արտացոլում է ազգերի ընկերությունը, բարեկամությունը, ինչը Խորհրդային Միության գաղափարախոսություններից մեկն էր: