Խաբկանքների մասին
БЛОГՄիհրան Հակոբյանը Ֆեյսբուքյան իր էջում գրում է.
1. Էժան և անուղեղ փողի ժամանակներն Ադրբեջանի համար ավարտվում են, բայց դրա հետևանքով Ադրբեջանը չի կործանվելու: Թուլանալը, ներքին անկայունությունն այլ բան է, կործանումը` լրիվ ուրիշ: Եվ, ընդհանրապես` մենք, որ Ադրբեջանը չկործանենք, ոչ մեկ էլ չի կործանելու...
2. Էժան և անուղեղ փողի պակասի հետևանքով Ադրբեջանը չի հրաժարվելու Հայաստանին պատերազմով սպառնալուց: Անկախ նրանից, թե ո՞վ է Բաքվում իշխանության գլուխ կանգնած, այս պետությունը կամ պետք է պատերազմի մեր դեմ կամ էլ պատերազմով սպառնա: Եվ, եթե չի կարողանում պատերազմել, ուրեմն պետք է գոնե սպառնա` ներքին և արտաքին խաղի կանոններին տուրք տալու համար...
3. Էժան և անուղեղ փողի պակասը հավանաբար Ալիևին կստիպի ժամանակը ծախսել ներքին խնդիրների լուծման վրա, բայց ղարաբաղյան խաղաքարտից Ադրբեջանը երբեք չի հրաժարվի, եթե, իհարկե, հայկական բանակը չհայտնվի Եվլախում ու Գանձակի մատույցներում...
4. Էժան և անուղեղ փողի պակասից պետք չէ ուրախանալ: Ադրբեջանը առանց նավթի էլ Հայաստանից մի քանի անգամ ավելի մեծ տնտեսական պոտենցյալ ունի, դրան գումարած` դեպի արտաքին աշխարհ տանող բաց ենթակառուցվածքներ: Աստված չանի, որ ուղեղները սկսեն աշխատացնել ու տնտեսության իրական ոլորտը ոտքի կանգնեցնեն...