Հայ պաշտոնյաների շքեղ ավտոմեքենաները. ով ինչով է շրջում

Wnews.am-ը գրում է.

Մայրաքաղաքում շքեղ եւ մեծ չափսերի ավտոմեքենաների պակաս չի զգացվում. շատ զբոսաշրջիկներ անգամ զարմանում են, Հայաստանում այսչափ շքեղ ավտոմեքենաներ տեսնելով։

Ճոխ ու հազարավոր դոլարների հասնող ավտոմեքենաներից շատերի սեփականատերերը գործարարներն ու պաշտոնյաներն են։

Wnews.am-ը ներկայացնում է նրանցից մի քանիսի շքեղ ավտոմեքենաները.

ԱԺ պատգամավոր Սամվել Ալեքսանյանը, ըստ իր կողմից ներկայացրած պաշտոնական հայտարարագրի, ունի չորս ավտոմեքենա. Մերսեդես Բենց -500, ՎԱԶ- 21 124, Մերսեդես Բենց -600, Ռենջ Ռովեր սպորտ 4.2:

Ըստ ոչ պաշտոնական տվյալների, նրան է պատկանում «Hummer» մակնիշի ավտոմեքենան։

Այս շքեղ «Rolls-Royce» սպիտակ ավտոմեքենան եւս Սամվել Ալեքսանյանինն է։

 

Nissan մակնիշի այս շքեղ ավտոմեքենան էլ պատկանում է Սամվել Ալեքսանյանի եղբոր որդուն՝ Երևանի Մալաթիա-Սեբաստիա վարչական շրջանի ղեկավար Արտակ Ալեքսանյանին:

Գագիկ Ծառուկյանը, ըստ պաշտոնական տվյալների, ունի 7 ավտոմեքենա (BMW X -5, Տոյոտա Պրադո V-6, Ջիպ Վրանգլեր P 6-4.0, Ռոլլս-Ոոյս B 12-6.7, Նիսան Պատրուլ, Ռոլլս-Ռոյս կուպե ֆանտոմ, Ռենջ Ռովեր սպորտ 4.4):

Ըստ որոշ տեղեկությունների, նրան է պատկանում նաեւ զրահապատ Mercedes-Benz S-Class մոդելի շքեղ ներկայացուցչական սեդան՝ մոտ 800 հազար դոլար արժողությամբ։

ԱԺ նախագահ Գալուստ Սահակյանը  երթևեկում է Toyota Land Cruiser մակնիշի ծառայողական ավտոմեքենայով, որի գնման համար պետական բյուջեից հատկացվել է 33 մլն դրամ։

Սյունիքի մարզպետ Սուրիկ Խաչատրյանը շրջում է «Լեքսուս LX 570» մակնիշի ավտոմեքենայով։

ԱԺ պատգամավոր Վարդան Այվազյանն ունի 2 ավտոմեքենա Ռենջ Ռովեր-սպորտ եւ Բենթլի:

 

ԱԺ պատգամավոր Գուրգեն Արսենյանը ոչ միայն մեքենաներ, այլ նաեւ ինքնաթիռներ ունի։ Նա  հայտարարագրել է  2` Զենեյր CH-701STOL մակնիշի ինքնաթիռ, 3 ավտոմեքենա` Լեքսուս LS600HL, Ռենջ Ռովեր Super Gharego, Տոյոտա Պրադո:

«Rolls royce» մակնիշի 013օօ11 համարանիշով ավտոմեքենան պատկանում է ՀՀԿ-ական պատգամավոր Մհեր Սեդրակյանին։

ՀՀԿ-ական պատգամավոր Նահապետ Գեւորգյանը պաշտոնապես երկու ավտոմեքենա է հայտարարագրել.ԳԱԶ 3102 և Հոնդայի «Ազարա», սակայն բացի այս մեքենաներից նրան է պատկանում«Մերսեդես G500» մակնիշի 005 ՕՕ 05 համարանիշներով ավտոմեքենան։

«Audi Q7» մակնիշի ավտոմեքենան պատկանում է ՀՀ ՍԴ նախագահ Գագիկ Հարությունյանին։ 

ԱԺ պատգամավոր Սեյրան Սարոյանը հայտարարագրել է միայն 1 ՀԱՄՄԵՐ-H2 մակնիշի մեքենա, սակայն ըստ տեղեկությունների, «Մերսեդես » մակնիշի 20 VV 777 համարանիշի ավտոմեքենան եւս նրան է  պատկանում։

BMW X5 մակնիշի 016 ՕՕ 11 համարանիշի ավտոմեքենան սպասարկում է Ազգային ժողովի ԲՀԿ-ական պատգամավոր Տիգրան Ստեփանյանին։

Ըստ «Ժողովուրդ» օրաթերթի,  կես մլն դոլար արժողությամբ Lamborghini aventador ավտոմեքենան պատկանում է պատգամավոր Մելիք Մանուկյանին։