Վաղինակ Շուշանյանը հունիսի 23-ից հետո գաղտնի թոքաբորբ է տարել. Միհր Ավագյան

ИНТЕРВЬЮ 4 Июль, 2015 15:51

Այսօր տեղեկատվություն է տարածվել, որ «Ո՛չ թալանին» նախաձեռնությունը սկսում է մարզային հանդիպումները: Հուլիսի 4-ին՝ ժամը 18:00-ին, Գյումրու թատերական հրապարակում կանցկացվի հանրային քննարկում` հոսանքի թանկացման դեմ պայքարի վերաբերյալ: Այս թեմայով Past.am-ը զրուցեց «Ո՛չ թալանին» նախաձեռնող խմբի անդամ Միհր Ավագյանի հետ:

-Արդյոք «Ո՛չ թալանին»-ը նոր թափ է ուզում հաղորդել պայքարին:

-Այս պահին հստակ է միայն Գյումրի գնալը, սակայն նպատակ կա, մյուս մարզեր ևս գնալու: Մենք բազմիցս հայտարարել ենք, որ պայքարը այլ հարթություն ենք տեղափոխում, որպեսզի առաջ շարժվենք և լճացում չլինի:

-Նախաձեռնող խմբից ովք՞եր են մասնակցելու:

-Համակարգող խումբն ամբողջ կազմով լծված է գործին: Թե ով որ մարզ կկարողանա գնալ, դեռ չեմ կարող ասել: Մեր անդամներից շատերը 23-ի դեպքերից հետո առողջական խնդիրներ ունեն:

-Վաղինակ Շուշանյանի առողջական խնդիրները հունիսի 23-ից հե՞տ են կապված:

-Որքանով տեղյակ եմ՝ Վաղինակը 23-ից հետո գաղտնի թոքաբորբ է տարել, հիմա բուժվում է:

-Իսկ դուք համագործակցու՞մ եք Բաղրամյանում գործող կազմակերպող խմբերի հետ:

-ՄԵնք մասնակցում ենք Բաղրամյանի բողոքի ակցիային, բայց որպես ՀՀ քաղաքացիներ: «Ո՛չ թալանին»-ը ոչ մի կերպ չի մասնակցում այնտեղի համակարգման աշխատանքներին:

-Երեկվա իրազեկման երթին մասնակցե՞լ եք:

-Ես չեմ կարողացել մասնակցել, սակայն մեր նախաձեռնության անդամներից շատերը մասնակցել են:

Արուսիկ Տիգրանյան