Զուրաբյանի կազմակերպած «արտահոսքն» իր մասին
БЛОГՏիգրանուհի Դավթյանը ֆեյսբուքյան իր էջում գրում է.
Այսօր մեր քաղաքական դաշտում քիչ չեն այն դեմքերը, ովքեր ջանք ու եռանդ չեն խնայում հանրությանն իրենց վրա ծիծաղեցնելու համար: Այս հետաքրքիր պրոցեսն իրականացվում է տարբեր ձևաչափերում:
Դիցուք Չորրորդ իշխանություն թերթը, որը պատկանում է Լևոն Զուրաբյանի կնոջը: Թերթն ի սկզբանե հանդիսանում է ՀԱԿ-ի և մասնավորապես Զուրաբյան Լևոնի բազմաչարչար խոսափողը: Եվ գիտեք շատ զվարճալի տեսարան է, երբ Լևոն Զուրաբյանի կնոջ թեթով, բացի զուրաբյանի անվերջ «լավաշ» հարցազրույցներից, նաև «արտահոսք» է կազմակերպվում այն մասին, որ Զուրաբյան Լևոնը սա է անում, սրան է հասնում:
Շատ անհարմար բան է ստացվում ասեմ ձեզ:
Դա նույնն է, որ ես ինձանից թաքուն իմ պլանների մասին արտահոսք կազմակերպեմ կամ էլ գրեմ, որ «իմ տեղեկություններով ես պատրաստվում եմ բանակցել իքս մարդու հետ», որից հետո այս բացահայտումներն իմ մասին, տեղադրեմ իմ ֆեյսբուքյան էջում:
Ամոթ է էլի, հասուն մարդիկ եք, ինչի եք ինքներդ ձեզ ծանր վիճակի հասցնում: