«Սուրենն այնքան ճարպիկ էր, կատակասեր, անվախ, հիմա իր աղջկանով ենք ապրում». սերժանտ Սուրեն Սարգսյանն անմահացել է հոկտեմբերի 11-ին Ջրականում. «Փաստ»
ИНТЕРВЬЮ![«Սուրենն այնքան ճարպիկ էր, կատակասեր, անվախ, հիմա իր աղջկանով ենք ապրում». սերժանտ Սուրեն Սարգսյանն անմահացել է հոկտեմբերի 11-ին Ջրականում. «Փաստ»](/timthumb.php?src=disc/02-07-24/8c3a5b5390965438915dfd08e1efff0e.jpg&w=780)
«Փաստ» օրաթերթը գրում է.
«Մանկության տարիներից շատ ճարպիկ ու ռիսկով էր Սուրենը: Սիրված երեխա է եղել, կատակասեր, հումորով»,-«Փաստի» հետ զրույցում ասում է տիկին Անահիտը՝ Սուրենի մայրիկը:
Նշում է՝ որդին սովորելու հետ սեր չուներ: «Իր մարդկային հատկանիշների համար իրեն բոլորն էին սիրում: Իր զոհվելուց հետո դպրոցի ուսուցչուհու և նրա աշակերտների հետ բարձրանում էինք Սուրոյիս մատուռը, ուսուցչուհին ասաց՝ Սուրենը հարգված տղա է եղել, իմ ամենասիրելի աշակերտներից, ճիշտ է, չի սովորել, բայց, որպես մարդ, հրաշալի հատկանիշներ ուներ»: Մայրիկի խոսքով, որդին փոքրուց իր մեջ նաև հավատ ուներ: «Շատ էր սիրում եկեղեցի հաճախել, Տեր հոր հետ խունկ ծխել: Եկեղեցու բակում երկու ծառ ունի տնկած՝ յասաման ու եղևնի: Ջուր չկար, ծառերն էլ աղբյուրից ահագին հեռու են, ինքն ու մի տղա դույլերով ջուր էին տանում, այդ ծառերը ջրում: Մի օր էլ, երբ Տեր հայրը մեր տանն էր, Սուրենն ասաց՝ հոգևորական եմ դառնալու: Տեր հայրն ասաց, որ կաջակցի իր ընդունվելուն, բայց Սուրենը պետք է խոստանա, որ լավ է սովորելու: Երբ սովորելու անունը լսեց, հոգևորական դառնալու մտքից հրաժարվեց: Փոքրուց նարդու տախտակի վրա սև ու սպիտակ քարերը շարում էր և կռիվ-կռիվ խաղում»:
Դպրոցն ավարտելուց հետո Սուրենը քոլեջում է սովորել, ստացել վարորդի մասնագիտացում: Այնուհետև զորակոչվել է պարտադիր զինվորական ծառայության Գեղարքունիքի մարզ՝ Մարտունի: Զորացրվելուց հետո որոշում է դառնալ պայմանագրային զինծառայող: Սուրենը ծառայում էր Մեղրիում՝ Ագարակի զորամասում, դիպուկահար էր: «Մի պահ պայմանագրային ծառայությունից դուրս եկավ, տեղափոխվեց Ռուսաստան, քույրիկն այնտեղ էր, բայց վերադարձավ տուն, քրոջն ասել էր՝ չեմ կարող այստեղ մնալ: Մեղրիի քարերը, ձորերն ուրիշ են: Բայց երանի չգար: Շատ էր կարոտում Մեղրին»: Հետո սկսվեց պատերազմը: «Իր հերթափոխն ավարտել էր, պետք է հանգստանար, տուն եկավ: Այնքան լավ եմ հիշում՝ կառալ յոկի շրջանն էր: Մի արկղ կառալ յոկ լցրեցինք, տաք հագուստ դրեցինք տղաների համար ու գնաց: Տեղ էր հասել, երևի այդ կառալ յոկից չի էլ կերել, զանգեց՝ մա՛մ, շորերս պատրաստի, տեղ եմ գնալու: Եկավ՝ մա՛մ, նստեք, ընտանիքով սուրճ խմենք:
Մարդիկ կային, որոնք առանց ասելու էին գնում մարտի դաշտ, բայց Սուրենն ասաց: Գնալուց, երբ նստեց մեքենան, անընդհատ ինձ էր նայում: Երեք ամիս դիրքերում էր եղել, վատառողջ էր, ջերմություն ուներ: Երբ իրեն մնալու, հանգստանալու մասին բառ էիր ասում, ընդդիմանում էր՝ չեմ կարող: Պայմանագրային ծառայող էր, իր հետ ժամկետայիններ կային, կարծես թե նրանց համար պատասխանատվություն էր ստանձնել: Իր նկարների մեծ մասը զինվորների հետ է: Շատ կապված էր նրանց հետ: Ասում էր՝ ուշք ու միտքս իրենք են, չեմ կարող քնել, հանգստանալ: Իրենք այնտեղ, ես՝ տանը: Երեք ամիս մնաց դիրքերում, իսկ հետո գնաց պատերազմ»: Հոկտեմբերի 2-ին Սուրենը մեկնել է մարտադաշտ: Մայրիկն ասում է՝ որդին պատերազմի դաշտում տասնյակ կյանքեր է փրկել:
«Բոլորին օգնել է, շատերին՝ տուն ճանապարհել, իր մարմնով ծածկել տղաներին ու պաշտպանել բեկորներից: Բոլորն են այս մասին հավաստում: Եղբորս տղայի հետ խոսելիս նշում է՝ հրամանատարն ասել է, երբ վերադառնա, պարգևատրելու են Սուրենին, բայց միայն մեկ մեդալ ունի: Հրամանատար Արթուր Ճաղարյանն էլ միշտ ասում է. «Սուրոն իմ եղբայրն է, ճիշտ է, տարբեր հորից ու մորից ենք, բայց իմ եղբայրն է, երկու անգամ իմ կյանքը փրկել է: Թե ոնց է տանկերի արանքից ինձ քաշ տալով դուրս բերել, չգիտեմ»: Հնարավորություն ուներ մի քանի օր հետո տուն վերադառնալու, հրաման ուներ, բայց չէր համաձայնել՝ ընկերներիս թողնեմ այստեղ ու ես գնա՞մ»: Սուրենն անմահանում է հոկտեմբերի 11ին Ջրականում: «Տեսել է, որ տղաները վիրավոր են, նստել է «պիկապը», որ օգնության գնա: Անօդաչուն հարվածել է մեքենային: Զինակից ընկերներն են ասում՝ անօդաչուները ձայն չէին հանում, չէիր կարողանում հասկանալ, որ մոտենում են: Տղաները պատմում են, որ այդ օրն ամենաուժեղ կռիվներից մեկն է եղել. «Մութ էր, ոչինչ չէր երևում: Փոշի էր բարձրացել, իրար հետևից հարվածում էին»»:
Այնուհետև ընտանիքը սկսում է փնտրել Սուրենին, մոտ մեկ ամիս անց գտնում: «Երբ Սուրենին փնտրում էինք, բոլորն ասում էին՝ ինքը ողջ է, մի տեղից դուրս է գալու, քանի որ այնքան ճարպիկ էր: Բայց փամփուշտը ճարպկությունը հաշվի չի առնում: Նոյեմբերին ԴՆԹ-ի միջոցով գտանք իրեն»: Սուրենը Մեղրիում մատուռ է կառուցել: «Մեծ քարի վրա խաչ է, իր անունն է վրան գրել: Մեղրիի այդ հատվածում առաջ դիրք է եղել, զորամաս: Այդտեղ է մատուռ, աղոթատեղի կառուցել Սուրենս: Ամեն անգամ, երբ պետք է դիրքեր բարձրանար, մի կապ մոմ էր գնում, բարձրանում մատուռ, մոմ վառում ու նոր գնում դիրքեր: Մի օր էլ, երբ պատերազմի դաշտից զանգահարեց, ասացի՝ քո մատուռում եմ, մոմ եմ վառում ձեզ համար: Ասաց՝ լավ ես անում, մա՛մ ջան: Երբ պատերազմի դաշտում էր, իրեն ասում էի՝ ողջառողջ հետ գաս:
«Մա՛մ, դա Աստված կորոշի՝ կգա՞մ, թե՞ ոչ»: Մանկուց իր մեջ հավատ կար Աստծու նկատմամբ, նվիրված էր հավատին»: Սուրենն իրենց շենքի մոտ հուշաղբյուր ունի: «Ե՛վ այնտեղ, և՛ իր գերեզմանին հաճախ են տղաներն այցելում, նստում, մեզ հանդիպելիս օգնություն առաջարկում: Սա սիրտ շոյող է, բայց կուզեի, որ այս խոսքերի կարիքը չլիներ, ու Սուրենս մեր կողքին լիներ»: Սուրենը տան երեք երեխաներից մեկն է՝ եղբոր ու քույրիկի կրտսեր եղբայրը: Հիմա Սուրենի ծնողները որդու կարոտն ու իրենց ցավի սփոփանքը նրա աղջկա միջոցով են ստանում: Ցավոք, այս պահին նրանց տարածությունն է բաժանում:
«Իր աղջկանով եմ ապրում: Միայն ափսոսում եմ, որ ինձ մոտ չէ, չնայած ամեն օր զրուցում ենք, կապ պահպանում, ամռանը, երբ Ռուսաստանում էի, եկել էր ինձ մոտ, ահագին ժամանակ անցկացրեցինք իրար հետ: Ուզում եմ իմ հնարավորության սահմաններում իր կողքին լինել, իր համար ինչ-որ բան անել: Հայրիկին շատ էր սիրում, շատ կապված էին իրար հետ: Սուրենը քնած էր լինում, մեկ էլ տեսնում էիր՝ աղջիկը կողքին նստած՝ անընդհատ համբուրում է: Զգում ես, թե հիմա որքան ունի հայրիկի ուշադրության կարիքը»:
Հ. Գ. - Սերժանտ Սուրեն Սարգսյանը հետմահու ՀՀ նախագահի հրամանագրով պարգևատրվել է «Մարտական ծառայության» մեդալով: Հուղարկավորված է Մեղրիի գերեզմանատանը:
ԼՈՒՍԻՆԵ ԱՌԱՔԵԼՅԱՆ
Մանրամասները՝ «Փաստ» օրաթերթի այսօրվա համարում
![](disc/02-07-24/3f5015f30abb050cba75cac41c56103b.jpg)
![](disc/02-07-24/49b799b9d048ccb875fd5cb4fea4c921.jpg)
![](disc/02-07-24/107c576a96fa9a76f82fbea35f64adfa.jpg)
![](disc/02-07-24/43ec059012449caa5e894085ffb2e726.jpg)
![](disc/02-07-24/a14b60c1739f4bad2453ab3a51575cf4.jpg)
![](disc/02-07-24/ff8865205baa2cd7f796a8a2bd7f5553.jpg)
![](disc/02-07-24/1857ea899d52f4cc956259737936c2c5.jpg)
![](disc/02-07-24/4b0f488a3ac5aab3783b773e4dfe3a7a.jpg)
![](disc/02-07-24/aaba2675e4a69dda978283ae75885c83.jpg)
![](/timthumb.php?src=disc/05-07-24/9f3690df4ff0c357210b7aab8aebd82c.jpg&w=60&h=60)
![](/timthumb.php?src=disc/05-07-24/47512fa3465e03638e5830840c878472.jpg&w=60&h=60)
![](/timthumb.php?src=disc/05-07-24/2e9b8b05ed415bf790a90b35f0b14d75.jpg&w=60&h=60)
![](/timthumb.php?src=disc/05-07-24/107b19bfd381b6d0dbe1cd4533ef6003.jpg&w=60&h=60)
![](/timthumb.php?src=disc/05-07-24/d9c095fb7e26d247fd4dc081c68ff52a.jpg&w=60&h=60)
![](/timthumb.php?src=disc/05-07-24/ff68e8167826e5d12213db28fe1290fc.jpg&w=60&h=60)
![](/timthumb.php?src=disc/05-07-24/956ce52899cfd6f6bb4248f0047502df.jpg&w=60&h=60)
![](/timthumb.php?src=disc/05-07-24/a6c831e0a25ebc07e566b328336b6ec0.jpg&w=60&h=60)
![](/timthumb.php?src=disc/05-07-24/ed3b0208e403b0174ee254af5bdf4093.jpg&w=60&h=60)
![](/timthumb.php?src=disc/05-07-24/dd634dc0a989a845b3fb5e69e608a3c0.jpg&w=60&h=60)
![](/timthumb.php?src=disc/05-07-24/489c37e65cefdcd6dbbf692461a0cf0d.jpg&w=60&h=60)
![](/timthumb.php?src=disc/05-07-24/89d7ba046f61be9bb8ee45eeed1ad15b.jpg&w=60&h=60)
![](/timthumb.php?src=disc/05-07-24/98add58e77200ce4b38317e47299b32b.jpg&w=60&h=60)
![](/timthumb.php?src=disc/05-07-24/3abfaed6d43bac6137ca94fcdabf7be8.jpg&w=60&h=60)
![](/timthumb.php?src=disc/05-07-24/86d75879826f81fd7fd395dd0bb0f4d5.jpg&w=60&h=60)
![](/timthumb.php?src=disc/05-07-24/407f968d90113c2e4a5edf1e82d15314.jpg&w=60&h=60)
![](/timthumb.php?src=disc/05-07-24/31f5f1f0c9012850bfb2faa484cbfbc0.jpg&w=60&h=60)
![](/timthumb.php?src=disc/05-07-24/df2ba90c64ad2dd674568dd445fa9747.jpg&w=60&h=60)
![](/timthumb.php?src=disc/05-07-24/8d7d166eeca0126e2f9a751cde3c962c.jpg&w=60&h=60)
![](/timthumb.php?src=disc/05-07-24/591059f76f3d0e5d8f8fc6607a1926bd.jpg&w=60&h=60)
![](/timthumb.php?src=disc/05-07-24/6f139817bdadffd01731e4112d1a94b5.jpg&w=60&h=60)
![](/timthumb.php?src=disc/05-07-24/e27ffe588dad26746f36e520517c3930.jpg&w=60&h=60)
![](/timthumb.php?src=disc/04-07-24/ac44a9578c6349070a55ac6be74c9556.jpg&w=60&h=60)
![](/timthumb.php?src=disc/04-07-24/75d7e568de1585d7a59fccb0ed0aebd0.jpg&w=60&h=60)
![](/timthumb.php?src=disc/04-07-24/6413ef4a5a5eac096a15e10df32fb104.jpg&w=60&h=60)
![](/timthumb.php?src=disc/04-07-24/1f73513df5f7d9960d0e39a25b88e763.jpg&w=60&h=60)
![](/timthumb.php?src=disc/04-07-24/c5a3a296190c91573860a896c09ddd12.jpg&w=60&h=60)
![](/timthumb.php?src=disc/04-07-24/c75d9de038225150adc621809e7b3bcc.jpg&w=60&h=60)
![](/timthumb.php?src=disc/04-07-24/d14fa2a8bcf7f2d645e221d29ab7cc68.jpg&w=60&h=60)
![](/timthumb.php?src=disc/04-07-24/2b6d2ed0367a6174e360e5ff93ab6cef.jpg&w=60&h=60)
![](/timthumb.php?src=disc/04-07-24/eff851f53e9052566e43910194a91ef6.jpg&w=60&h=60)
![](/timthumb.php?src=disc/04-07-24/92f4f071182abe2c1b4fd8d379744fa7.jpg&w=60&h=60)
![](/timthumb.php?src=disc/04-07-24/f29a9d872b01e298a11f3bd6738bff2f.jpg&w=60&h=60)
![](/timthumb.php?src=disc/04-07-24/2cf5e32cb7441c29d649b020784bf75b.jpg&w=60&h=60)
![](/timthumb.php?src=disc/04-07-24/70f3a4e718c0049b845c2d04c4618632.jpg&w=60&h=60)
![](/timthumb.php?src=disc/04-07-24/dc3fe6c4a88a7850a5c04aeec100ee63.jpg&w=60&h=60)
![](/timthumb.php?src=disc/04-07-24/d289d637c94e3507eaef450bcdba39aa.jpg&w=60&h=60)
![](/timthumb.php?src=disc/04-07-24/e5ddc90e813f94d9764ed394426755b6.jpg&w=60&h=60)
![](/timthumb.php?src=disc/04-07-24/6c568318894ab23946bde0505cc2dba0.jpg&w=60&h=60)
![](/timthumb.php?src=disc/04-07-24/05dc24f90ca293c96e8415ed792b7e28.jpg&w=60&h=60)
![](/timthumb.php?src=disc/04-07-24/15ccf9afb90d506fe576b61c7715d593.jpg&w=60&h=60)
![](/timthumb.php?src=disc/04-07-24/7b045d72c3d469ed3fc554260b720851.jpg&w=60&h=60)
![](/timthumb.php?src=disc/04-07-24/c52d24f64222bd7568112b9705ae09ac.jpg&w=60&h=60)
![](/timthumb.php?src=disc/04-07-24/06afba8f6838602b7214e8e27405255a.jpg&w=60&h=60)
![](/timthumb.php?src=disc/04-07-24/7f8f5d5263a56c2e14802729a7d7b7d1.jpg&w=60&h=60)
![](/timthumb.php?src=disc/03-07-24/a7234acc6f2db37fb650c7ba7653303f.jpg&w=60&h=60)
![](/timthumb.php?src=disc/03-07-24/457a921b161eb3f1ab1a700ab24d1041.jpg&w=60&h=60)
![](/timthumb.php?src=disc/03-07-24/f484c1adf69b209351d973d21ace18c9.jpg&w=60&h=60)
![](/timthumb.php?src=disc/03-07-24/de8b1119c90e18129271b0c95e06255e.jpg&w=60&h=60)
![](/timthumb.php?src=disc/03-07-24/8b36e36d974a42274685250b6461486d.jpg&w=60&h=60)
![](banners/acba.gif)
![](banners/venus.jpg?v3sd2s)