Ո՞րն է Եվրոպայի ամենաանհետաքրքիր քաղաքը

ЛАЙФ 4 Июль, 2015 23:34

Ամենաթանկ քաղաքները

Մեկնում ենք պատրաստված…Քաղաքներ, որոնք ճանաչվել են ամենից ամենաթանկ քաղաքներ մի շարք պատճառների բերումով: Եվ շարունակում են տարեցտարի «բարելավել» իրենց թանկության ցուցանիշները: Տոկիոն պահպանում է աշխարհի ամենաթանկ քաղաքի առաջատար դիրքը մի քանի տարի շարունակ:

Հիմնականում քաղաքների թանկության աստիճանի գնահատման համար հաշվի են առնվում մի քանի կարևոր ցուցանիշներ` ժամանցի, հագուստի, պարենի և քաղաքային տրանսպորտի գները: Հետաքրքիր է` մշտապես որպես համեմատության հիմնական քաղաք է ընտրվում Նյու Յորքը:

Առաջատար հնգյակում են ճապոնական Տոկիոն և Օսական, Ավստրալիայի Սիդնեյը ևՄելբուռնը, ինչպես նաև Նորվեգիայի Օսլոն:

Սակայն կարծես դա այդքան էլ չի մտատանջում այդ քաղաքների բնակչությանը, որոնց կշռարար մեծամասնությունը, հարցումների համաձայն, ամենևին էլ չի պատրաստվում փոխել բնակության վայրը, չնայած և բողոքում է քաղաքի գնային քաղաքականությունից:

Այնպես որ եթե կա ցանկություն մեկնելու Տոկիո, Նյու Յորք, Օսլո և այլն, իսկ նման ցանկություն, հավանաբար, կա, խորհուրդ ենք տալիս գրպանում ունենալ կլորիկ մի գումար` ամենաթանկ քաղաքների վայելքները համտեսելու համար:

Ի դեպ, ամենաթանկ քաղաքների այս տարվա զեկույցի ամփոփման մեջ կտրուկ բարձրացում է ունեցել Նյու Յորքը (+19 հորիզոնականով վերև)` զբաղեցնելով 27-րդ հորիզոնականը: Նյու Յորքում 2007թ. ի վեր` պարենի գները բարձրացել են 16%-ով, ամերիկյան կենտրոնական քաղաքում բարձրացել է գործազրկության ցուցանիշը:

Ամենաթանկ եվրոպական քաղաքները

Ամենաթանկ եվրոպական քաղաքների թվում առաջին տասնյակում են շվեյցարական Ցյուրիխն ուԺնևը և Ֆրանսիայի մայրաքաղաք Փարիզը:

Ի դեպ` առօրյայի մի մաս կազմող «երկիրը երկիր չի» արտահայտությունն այս քաղաքներում, չնայած քաղաքների գնային բարդ քաղաքականության, ակտիվ գործածության մեջ չէ:

Սակայն զբոսաշրջիկների համար ամենաթանկ քաղաքների սանդղակը կազմվում է` հաշվի առնելով 4-աստղանի հյուրանոցների, մեկ գավաթ մարտինիի, պիցցայի և տաքսիների գները: Հենց նման չափորոշիչներից ելնելով` զբոսաշրջիկները համարել են Փարիզը աշխարհի ամենաթանկ քաղաքը: Եվ չնայած այդ ամենի, այն, միևնույն է, զբոսաշրջիկների ամենամեծ հոսք ունեցող քաղաքներից մեկն է:

Ամենաէժան քաղաքները

2013թ. ամենաէժան քաղաքների թվում են հայտնվել Թեհրանը (Իրան), Ջիդդան (Սաուդյան Արաբիա), Պանաման (Պանամա), Կոլոմբոն (Շրի Լանկա), Բուխարեստը (Ռումինիա), Հնդկաստանի Մումբայը և Նյու Դելին և այլն:

Եվրոպական քաղաքների թվից զբոսաշրջիկների համար ամենամատչելի քաղաքի տիտսողը շահել է բուլղարական Սոֆիան, որտեղ ապահովված են 40 եվրոպական քաղաքների համեմատության մեջ արված հյուրանոցների, քաղաքային տրանսպորտի, տաքսիների, ժամանցի վայրերի, սննդի և ոգելից խմիչքների միջինում ամենաէժան գները:

Կենսամակարդակով բարձր եվրոպական քաղաքները

Իսկ հիմա ավելի հանգամանալից հայացք եվրոպական քաղաքներին: Թանկության ցուցանիշից զատ` եվրոպական քաղաքներն ավելի աչքի են ընկնում կենսամակարդակի և ապահովության լավագույն ցուցանիշներով:

Անցում կենսամակարդակով բարձր քաղաքների վրա. այն առավել բարձր դրսևորված է Գերմանիայի, Նիդեռլանդների, Մեծ Բրիտանիայի քաղաքներում: Եթե կա մտադրություն այցելելու կենսամակարդակով բարձր քաղաքներ, ապա ավստրիական Վիեննան ամենաբարգավաճող քաղաքն է: Կենսամակարդակով բարձր քաղաքների առաջատարների թվում են նաև Ցյուրիխը,Մյունխենը, Դյուսելդորֆը, Ֆրանկֆուրտը, Օսլոն:

Կենսամակարդակով բարձր քաղաքների ընտրությունը պայմանավորված է կայունության, կենսամակարդակի բարձրացող չափորոշիչների և զարգացված ենթակառուցվածքի նախադրյալներով:

Եվրոպական քաղաքների ոչ ստանդարտ դասակարգում

Ամենաանհետաքրքիր եվրոպական քաղաքի պատվավոր տիտղոսը հարցման մասնակիցների մի ստվար զանգված շնորհել է Բիրմինգհեմին,

Ստոքհոլմին` որպես ամենաանվտանգ,

դե իսկ Վենետիկին`…..ամենառոմանտիկ, ինչը, բնականաբար, շատ սպասելի էր:

Հյուրանոցային ծառայություններ մատուցող լավագույն եվրոպական քաղաքն է համարվելԲեռլինը: Զարմանալի չէ, քանի որ Գերմանիայի մայրաքաղաքի 5-աստղանի հյուրանոցների ծառայությունների շուրջ իրենց գոհունակության բարձր գնահատականներն են տվել զբոսաշրջիկների 90%-ը:

Սա, սակայն, Բեռլինի միակ լավ կողմը չէ: Վերջին մի քանի տարիների ընթացքում բնապահպանները համարում են այն Եվրոպայի էկոլոգիապես ամենամաքուր քաղաքը:

Եթե եվրոպական քաղաքներում նախընտրում եք շրջել հեծանիվով, ապա հատկապես ուշադիր եղեք Ձեր հեծանիվի նկատմամբ գերմանական Մյունստեր և ավստրիական Զալցբուրգ քաղաքներում: Այս երկու քաղաքներում համեմատության մեջ ավելի հաճախ են տեղի ունենում հեծանիվի կողոպուտներ:

Եվս մեկ հետաքրքիր համեմատություն. փորձել են հասկանալ նաև, թե որ եվրոպական քաղաքում են ապրում ամենաանհավատարիմ ամուսինները: Եվ այս համեմատության մեջ պատվավոր առաջին հորիզոնականը շնորհվել է թանկությամբ արդեն իսկ աչքի ընկած գեղեցիկ Փարիզին: Ֆրանսիայի մայրաքաղաքի բնակիչների կեսից շատը խոստովանել է, որ արտաամուսնական կապերի մեջ է գտնվում:

Դե իսկ Եվրոպայի ամենագեղեցիկ քաղաքի մրցապայքարում, որտեղ ըստ TRAVELBLOG.am-ի, անհնար է առանձնացնել որևէ մեկ հստակ եվրոպական քաղաք, քանի որ շատերն են արտասովոր գեղեցիկ` և՛ այդ նույն Պրահան, Բարսելոնը, Փարիզը, Վենետիկը, Բրյուսելը, գերմանական Թյուբինգենը, Նեապոլը, ….