«Ժամանակին հաշտ չէի քթիս հետ, բայց հետո հասկացա, որ մարդ պետք է սիրի իրեն այնպիսին, ինչպիսին կա». Անահիտ Մսրյան

Սեղմեք ԱՅՍՏԵՂ, լրացրեք օնլայն հայտը և մոռացեք հոսանքի վարձի մասին

Tert.am Life-ի բլից հարցերին այս անգամ պատասխանել է երիտասարդ դերասանուհի Անահիտ Մսրյանը:

-Սկզբունք, որին երբեք չեք դավաճանի:

-Ինձ համար սկզբունքային է չստելը, տանել չեմ կարողանում, երբ նայում են աչքերի մեջ ու ստում, վայրկյանական կարող եմ հեռացնել այդ մարդուն իմ կյանքից։

-Ի՞նչ կփոխեիք ձեր արտաքինի մեջ:

-Ժամանակին հաշտ չէի քթիս հետ, բայց հետո հասկացա, որ մարդ պետք է սիրի իրեն այնպիսին, ինչպիսին կա։

-Ինչպե՞ս եք վերաբերվում «ռաբիս» տղաներին:

-Առհասարակ «ռաբիս» երևույթին աշխատում եմ չվերաբերվել, բայց կարևորը լավ մարդ լինի։

-Ինչի՞ մասին եք երազում:

-Երազում եմ գեղարվեստական պատմական ֆիլմում գլխավոր դեր մարմնավորելու մասին։

-Եթե ոչ դերասանուհի, ապա ի՞նչ կդառնայիք:

-Երգչուհի, ինձ միայն արվեստում եմ պատկերացնում։

- Ամենամեծ սուտը, որ լսել եք ձեր մասին:

-Լսել եմ, որ ամուսնացած եմ և նույնիսկ երեխա ունեմ, շատ հետաքրքիր էր։

- Ի՞նչը կարող է ձեզ հունից հանել:

- Անտակտ մարդիկ:

-Ֆոբիաներ, վախեր ունե՞ք:

-Փակ տարածություններ չեմ սիրում:

-Ավելի շատ նեղանո՞ւմ եք, թե՞ նեղացնում:

-Բոլոր մտերիմներս գիտեն, որ շատ-շատ նեղացկոտ եմ:

-Ձեր ամենասիրելի հայ դերասանը:

-Միանշանակ Խորեն Աբրահամյան, իսկ ժամանակակից դերասաններից` Խորեն Լևոնյան, առհասարակ շատ երիտասարդ լավ դերասաններ ունենք։

-Ինչ է պետք Ձեզ երջանիկ լինելու համար:

-Զբաղվել սիրելի մասնագիտությամբ և հետագայում ունենալ լավ ու ամուր ընտանիք։

Հեղինակ՝ Անի Մնացականյան