Ինչ են բացահայտում դեմքի տարբեր հատվածներում հայտնված ակնեներն ու ցանը

Blognews.am-ը գրում է.

Պզուկներն ու ակնեները տարածված խնդիր են, որոնց մասին մարդիկ այնքան էլ չեն սիրում խոսել։ Ինչևէ, ամաչելու պատճառ չկա. որպես կանոն, սա անձնական հիգիենային չհետևելու հետևանքը չէ։ Այս հոդվածում մենք Ձեզ կօգնենք հասկանալ, թե ինչու են առաջանում պզուկներն ու ակնեները, և թե ինչպես է պետք պայքարել դրանց դեմ։

Կզակի ու ծնոտի հատվածում

Ծնոտի հատվածում առաջաձած պզուկները կարելի է վերագրել հորմոնալ խախտմանը։ Մասնավորապես՝ սա վերաբերում է կանանց ու նրանց դաշտանային ցիկլին։ Ցանն այս հատվածում հնարավոր է նաև առաջանա դաշտանադադարի պատճառով։ Բարեբախտաբար, դրանք անհետանում են նույնքան արագ, որքան արագ որ հայտնվում են։

Ճակատային հատածում ու մազերի երկայնքով

Այսպիսի ցանի պատճառը հաճախ վերագրվում է մազերի խնամքին։ Ամենայն հավանականությամբ, մազերի խնամքի միջոցները, որոնք օգտագործում եք, հարմար չեն Ձեր մաշկի համար։ Որքան էլ տարօրինակ հնչի, պատճառը կարող է լինել նաև մազերը հաճախակի լվալը, որի պատճառով գլխամաշկը չափազանց շատ մաշկային ճարպ է արտադրում ու ակնեների առաջացման պատճառ դառնում։

Այտերն ու ականջների հատվածները

Այտերի ու ականջների շրջանում առաջացած ցանի պատճառները հիմնականում երկուսն են՝ ձեռքերն ու հեռախոսը։ Եթե Դուք հեռախոսով խոսելու սիրահար եք կամ ձեռքերը հաճախ եք դեմքին քսում, համոզվեք, որ ձեռքերը միշտ մաքուր են, և իհարկե մի՛ մոռացեք հեռախոսը հաճախակի մաքրել հակաբակտերիալ անձեռոցիկներով։

Քթի «Т-աձև» հատվածը

Քթի այս հատվածի ցանը սթրեսի ու անհանգստության վաղ նախանշան են։ Քթի և հոնքերի միջև զգայուն մաշկի վրա արագ կարող է ցան առաջանալ, և առօրյայի ամենափոքր փոփոխություններն անգամ կարող են դրա առաջացման պատճառ դառնալ, եթե դրանք անհանգստություն են առաջացնում ձեզ մոտ։ Սթրեսի ժամանակ T-աձև հատվածն առաջինն է արձագանքում։ Մեդիտացիա կամ հակաօքսիդանտներով հանգստացնող թեյեր փորձեք, որպեսզի միաժամանակ ազատվեք թե՛ սթրեսից, թե՛ ցանից։

Կրծքի, անրակների ու մեջքի ակնեները

Եթե Ձեզ անհանգստացնում են մեջքի ու կրծքի հատվածի ակնեները, ապա սա վկայում է այն մասին, որ Դուք շատ եք մարզվում։ Երբ Դուք մարզվում եք կամ աշխատում, օրինակ, այգում՝ արևի տակ, Դուք բավականին քրտնում եք և եթե այնպիսի հագուստ եք կրում, որը չի շնչում, ակնեներ են առաջանում։ Այնպես որ, խորհուրդ է տրվում բամբակե կամ սպորտային հագուստ կրել, որը կներծծի խոնավությունը։

Բերանի շուրջ

Պատասխանը պարզ է. «մենք այն ենք, ինչ ուտում ենք»։ Եթե Ձեր սննդակարգը մեծ քնաակությամբ ճարպ, շաքար ու ալկոհոլ է պարունակում, ամենայն հավանականությամբ Ձեր բերանի շուրջ հաճախակի է ցան/ակնե հայտնվում։ Սա Ձեր մարսողական համակարգի գերծանրաբեռնվածության հետևանքն է և մասամբ էլ՝ բերանի շուրջ մաշկի՝ չափազանց ճարպոտ կամ քաղցր սննդի հետ հպման հետևանքը։

Քունքին

Շատ ջուր խմեք։ Քունքի հատվածում ակնենների առաջացման պատճառը ջրազրկումն է: Մազերի չափից շատ լվանալը, ջրազրկումը նույնպես ճարպագեղձերի գերծանրաբեռնված աշխատանքի պատճառ են դառնում, ինչի հետևանքում ակնեներ են առաջանում։

Հոնքերին և դրանց շուրջ

Եթե ակնեները հայտնվում են հոնքերի շրջանում, ամենայն հավանականությամբ դա հոնքերի մազերն անհաջող հանելու պատճառով մազերի ներաճման հետևանքն է։ Տաք կոմպրես օգտագործեք և օգտագործելուց առաջ մի՛ մոռացեք լավ մաքրել հոնքերի ունելին։